Олон сувгийн телевизийн үйлчилгээний зах зээлд хамгийн олон хэрэглэгчтэй  ДДэшТВ компани нь 5-р сарын 21-нээс 25-ны хооронд Мишээл экспо төвийн үзэсгэлэнгийн танхимд “Бидний шийдэл-Хөгжлийн хурдасгуур” уриан доор болж байгаа ICT EXPO 2015 үзэсгэлэнд оролцож, олон төрлийн шинэ бүтээгдэхүүн, үйлчилгээгээр хэрэглэгч та бүхэндээ бэлэг барьж байна.

Энэ жилийн үзэсгэлэнд ДДэшТВ компани нь хэрэглэгчиддээ “Аяны ДДэш” бүтээгдэхүүнийг  танилцуулж байгаа бөгөөд уг бүтээгдэхүүн  нь аян замд явахдаа дотоод, гадаадын  90 сувгийг хаана ч хялбар байдлаар үзэх боломжийг танд олгож байгаа юм.

Мөн ДДэшТВ компанийн хэрэглэгчид  хүссэн үедээ дуртай багцаа хаанаас ч, хэзээ ч сунгах боломжтой.

Үндсэн, Спорт, Гадаад багцын сунгалтын 3 төрлийн карт худалдаанд гаргалаа. ДДэшТВ компанийн хэрэглэгчид үйлчилгээний эрхээ http://www.e-ddishtv.mn хаягт нэвтэрч онлайнаар хялбархан сунгах боломжтой болсныг дуулгахад таатай байна. Ингэснээр хэрэглэгчид орон зай, цаг хугацаа хамаарахгүйгээр үйлчилгээний эрхээ сунгах боломжтой болжээ.

Үүнээс гадна ICT EXPO 2015 арга хэмжээний үеэр өсвөр болон залуу уран бүтээлчдийн ур чадварыг хөгжүүлэх зорилгоор тавган антенн буюу тогоог урлагийн бүтээл болгох, 1.500.000 төгрөгийн шагналын сан бүхий “Ганган тогоо” сэдэвт тавган антенн дээрх зургийн уралдааныг зарлалаа. Энэ арга хэмжээ нь ДДэшТВ компанийн  зүгээс нийгмийн хариуцлагын хүрээнд хийж буй олон ажлуудын нэг юм.  Уг уралдаанд оролцохоор 20 гаруй уран бүтээлчид бүртгүүлээд байгаа бөгөөд уралдааны ялагчийг 5-р сарын 24-нд Мишээл экспо төв дээр зарлах юм. 

Арга хэмжээний үеэр сонирхолтой АХА тэмцээн, хөнгөлөлт, урамшуулалд хамрагдах боломжтой тул та бүхнийг хүрэлцэн ирэхийг урьж байна.