Эмэгтэйчүүдийн “Бриллиант” клубээс “Монгол эмэгтэйчүүд ёс суртахуунаар манлайлна” үндэсний хэмжээний мянган эмэгтэйн чуулганыг Монголд анх удаа зохион байгуулахаар болжээ.

Уг чуулганаар “Хамтдаа гүйцгээе” спортын аяныг санаачлагч О.Саранчулуун “Өөрийгөө ялах нь амжилтын эхлэл” сэдвээр, мөн “Би өөрөө Эх орон” сэдвээр ШУТИС-ийн Удирдлага, Хүмүүнлэгийн Ухааны сургуулийн багш, улс төр судлалын ухааны доктор Монголын эмэгтэй эрдэмтдийн Холбооны Удирдах зөвлөлийн гишүүн Я.Төгөлдөр нар илтгэл уншиж, хэлэлцүүлэг хийх юм.

Сарын өмнө тэд 4000 орчим өсвөр насны охины чуулганыг хийсэн аж.

Чуулган 15:00 цагт Тусгаар тогтнолын ордонд болно.