Нийслэлийн нутаг дэвсгэрт түгээмэл тархацтай ашигт малтмалын хайгуулын тусгай зөвшөөрлийг 39 талбайд 37 аж ахуйн нэгж байгууллагад олгожээ.

Ингэхдээ заавал нөхөн сэргээлт хийхийг анхааруулсан байна.

Өнгөрсөн онд нийслэлийн нутаг дэвсгэрт зам, барилгын материалын зориулалтаар ашиглах боломжтой, элбэг тархалт бүхий элс, хайрга, тоосгоны шавар, хүрмэн, боржин, дайрганы зориулалттай барилгын чулууны хуримтлал бүхий ашигт малтмалын хайгуулын тусгай зөвшөөрөл хүссэн 66 аж ахуйн нэгж 86 талбайд өргөдөл ирүүлжээ.

Өргөдөл ирүүлсэн аж ахуйн нэгжүүдэд шүүлт хийж, Багахангай 1, Баянзүрх 1, Налайх 9, Сонгинохайрхан 8, Хан-Уул дүүрэгт 20, нийт 39 талбайд хайгуулын тусгай зөвшөөрөл олгох боломжтой гэж үзсэн байна.