Гадаад харилцааны яамны “Зөвшилцөл” танхимд “Монголын соёлын өв-Гадаад сурталчилгаа” бодлогын хэлэлцүүлэг өнөөдөр болно.

Хэлэлцүүлэгт Гадаад хэргийн сайд Л.Пүрэвсүрэн оролцож үг хэлнэ.

1. Соёлын бодлого ба Гадаад сурталчилгаа сэдвээр...
Элчин сайд, Дипломат академийн захирал Х.Бэхбат, ГХЯ-ны Гадаад сурталчилгаа, мэдээллийн газрын захирал Х.Мандахцэцэг, БСШУЯ-ны Соёлын бодлого зохицуулалтын газрын Соёлын өвийн хэлтсийн дарга С.Урантөгс, СУИС-ын Тайз, дэлгэцийн урлагийн сургуулийн захирал Ж.Долгорсүрэн нар ярих юм байна.
2. Соёлын өвийн тулгамдсан асуудлуудын талаар...
Олон Улсын Монгол судлалын холбооны ерөнхий нарийн бичгийн дарга Д.Төмөртогоо, ШУА-ын Түүх, археологийн хүрээлэнгийн захирал С.Чулуун, Соёлын өвийн төвийн захирал С.Энхбат нар мэдээлэл өгөх юм байна.

Гадаад хэргийн яам, БСШУЯ, Шинжлэх ухааны академи, ЮНЕСКО-ын Монголын үндэсний комисс, Соёлын өвийн төв, Дипломат академи, Архивын Ерөнхий газар, СУИС, ШУТИС, Нүүдлийн соёл иргэншлийг судлах олон улсын хүрээлэн, Олон улсын Монгол судлалын холбоо, Үндэсний номын сан, нийслэлд үйл ажиллагаа явуулж буй бүх музейн төлөөлөл хэлэлцүүлэгт оролцох юм байна.