Монголын хөлбөмбөгийн үндэсний шигшээ багийнхан Зүүн Тиморын Дили хотод газардаж бэлтгэлдээ оржээ.

Хоёр хоногийн дараа 15:00 цагаас нутгийн эзэн багийн талбай дээр эхний тоглолтоо хийнэ.

Энэхүү тоглолтын дараа манай шигшээ баг нутгийнхаа талбайд Зүүн Тиморын багтай хариу тоглолт хийх юм.

Хоёр тоглолтын нийлбэр дүнгээр ялалт байгуулбал Азийн 46 орны шигшээгээс шилдэг 40-д багтана.

Улмаар 5 багтай хэсэгт дахин хуваарилагдаж нийт 8 тоглолтыг айлын болон өөрийн талбайд хийх юм. 

Хэрэв хэсгийн тоглолтоос бид чансаагаараа эхний 36-д шалгарч чадвал дахин 6 тоглолтыг айлын болон өөрийн талбайд хийнэ.

Монголын шигшээ багийн тамирчдадаа амжилт хүсье.