Францын Ерөнхийлөгч Франсуа Олланд, Германы канцлер Ангела Меркель, Украины тэргүүн Петр Порошенко нар Дебальцевод тулаан үргэлжилж байгаад санаа зовниж байгаа талаар Францаас гаргасан мэдэгдэлд дурджээ.

Даваа гаригийн орой утсаар ярилцсан Франц, Герман, Украины тэргүүд Европын холбооны аюулгүй байдлын зөвлөлийн ажиглагчдыг чөлөөтэй нэвтрүүлэхийг уриалсан байна. Эдгээр ажиглагчид нь гал зогсоох горимыг мөрдөж байгааг хянах ажлаа үргэлжлүүлэхийн тулд тулааны бүсэд нэвтрэх шаардлагатай байгаа юм.

Энд дуулгахад Дебальцево нь Донецк муж дахь мужийн хэмжээний хот бөгөөд Украины төмөр замын томоохон зангилаануудын нэгд тооцогддог. Донецкийн бүгд найрамдах улсын босогчид хотыг бүслэсэн хэдэн мянган цэргүүдэд гал зогсоох санал гаргасан гэж мэдэгдсэн бол Украины цэргүүд босогчдыг гал нээсэн хэвээр байгаа гэж буруутгасан юм.

Эргэн сануулахад хоёрдугаар сарын 12-ны өдөр Минск хотноо болсон “Нормандын дөрвөл”-ийн хэлэлцээр Донбасс дахь нөхцөл байдал эрс хурцадсан үед болж өнгөрсөн. Хэлэлцээрийн дүнгээр ОХУ, Украин, Франц, Германы тэргүүд хоёрдугаар сарын 15-ны өдрөөс эхлэн Донбассд гал зогсоох, хүнд зэр зэвсэг гаргах, аюулгүй байдлын бүсийг бий болгох талаар тусгасан цогц арга хэмжээг батласан юм.

Хэдийгээр энэ хэлэлцээрийг талууд болон дэлхий нийт нааштайгаар үнэлж, хоёрдугаар сарын 15-ны шөнө дунд гэхэд сөргөлдөөний талууд гал зогсоох үүрэг хүлээсэн талууд зохих баримт бичигт гарын үсэг зурсан ч харамсалтай нь одоогоор Украинд цэргийн ажиллагаа үргэлжилсээр байна.

Эх сурвалж: Вести