Хүүхэд, багачуудын оюуны хэрэгцээнд нэмэр болох интернэт номын сан нээгдлээ. Монгол болон дэлхийн олон орны хэлээр бичигдсэн, өнгөт зурагтай 500 орчим ном энд бий. Хүүхдийн насны онцлогт тохируулж номуудыг бүлэглэн, хүүхэд өөрөө ажиллахад хялбар, сонирхолтой байхаар бүтээжээ. “Олон улсын хүүхдийн цахим номын сан” төслөөс уг ажлыг хариуцан ажиллуулж буй.

Дэлхийн олон орны үндэстний соёл, иргэншлийг таниулах, хүүхдийг номд дуртай болгох, дэлхий дээрх бичиг үсэг үл мэдэх байдлыг арилгах нь тус байгууллагын зорилго аж. Тус номын сан 200 орчим монгол номтой ба дэлхийн 40 гаруй оронд хэвлэгдсэн хүүхдийн уран зохиолыг энэхүү сайтаар дамжуулан багачуудын хүртээл болгож байна.

Дэлхийн хүүхдийн номын ертөнцөөр аялахыг хүсвэл www.childrenslibrary.org  сайт руу орж сонирхоорой.

Л.Жаргал