Хятадын алдарт зохиолч Зян Руны зохиолоос сэдэвлэн бүтээсэн "Чонон сүлд" кино 2015 оны хоёрдугаар сард 3D хувилбараар дэлгэцнээ гарна.

“China Film Group”-ийн бүтээл "Чонон сүлд" киноны найруулагчаар Францын нэрт найруулагч Жан-Жак Анно ажилласан бөгөөд тэрээр 1988 онд “Баавгай”, 2004 онд “Ах дүүс” зэрэг кино бүтээж, чоно, баавгай, бар зэрэг зэрлэг амьтантай харьцан кино бүтээл гаргадаг туршлагатай нэгэн юм.

Энэхүү кинонд Монгол улсын Соёлын Тэргүүний ажилтан Р.Анхням тоглосон бөгөөд тэрээр Өвөр Монголын “Гаадан мээрин” кинонд тоглосноороо франц найруулагчийн нүдэнд өртжээ.

"Чоно сүлд" киноны трэйлер

Киноны зураг авалтыг ӨМӨЗО-нд 2013 оны дөрөвдүгээр сараас эхлүүлжээ. Киноны төсөвт ойролцоогоор 38 сая ам.долларын хөрөнгийг зарцуулсан байна.

"Чонон сүлд" кино 2015 оны хоёрдугаар сарын 4-ны өдөр Франц улсад, хоёрдугаар сарын 19-ний өдөр Хятадад тус тус нээлтээ хийнэ.

Сонирхуулахад, зохиолч Зян Руны 2004 онд хэвлүүлсэн “Чонон сүлд” роман 20 сая хувь борлогдож, “Мао Зэ Дуний ишлэлүүд”-ийн дараа орох Хятадын хамгийн борлуулалттай номоор шалгарсан билээ.