Жил гаруйн өмнө Хятадын GooPhone компани Apple-ийн iPhone5S загварыг дуурайлган хийсэн гар утсаа гаргаж байсан билээ. Түүнчлэн тэд Samsung Galaxy S5 утасны хуулбарыг ч гаргаж байсан. Эдгээр утаснуудын харагдах байдал бараг л ялгаагүй ч Андроид үйлдлийн системтэйгээрээ л “Алим”-наас өөр байсан юм.

Тэгвэл энэ удаад Digione гэх Хятадын компани зах зээл дээр гараад удаагүй байгаа iPhone 6 утастай яг адилхан Андроид утас худалдаанд гаргалаа. 100+ V6 гэж нэрлэсэн энэ утас үнийн хувьд тун боломжийн. Нэгж утас 799 юань буюу 123 ам.доллар. Харин iPhone 6 гар утас хамгийн хямд нь л 600 ам.доллар. Хачирхалтай нь өнгөрсөн даваа гарагаас эхлэн худалдаанд гарсан энэ утсыг бүтээгчид iPhone 6 утастай гаднах үзэмж нь үлэмж адилхан байгаад тун их дургүйцэж байна.

Тэд өнгөрсөн есдүгээр сард Apple компанийн удирдлага руу “Танай компани бидний зохиогчийн эрхийг хулгайлсан байна” гэсэн утгатай захидал явуулснаа мэдэгджээ. Digione энэ оны нэгдүгээр сард зохиогчийн эрх хүссэн маягт бөглөж, БНХАУ-ын зохиогчийн эрхийн хороо руу илгээсэн бөгөөд долдугаар сард зөвшөөрсөн хариу авсан гэсэн юм. Хятадуудын бүтээсэн энэ утас iPhone 6-тай адил мөнгөлөг, алтлаг, саарал гэсэн гурван өнгөний сонголттой аж.

Зурган дээр дарж томруулна уу.

Digione  Apple компанид илгээсэн захидлаа Хятадын олон нийтийн сүлжээ болох Weibo дээр байршуулжээ. Гэхдээ энэ асуудлаар Apple компани ямар нэгэн мэдэгдэл хийсэнгүй. Сонирхуулахад Digione компани iPhone 6-тай ижил төрхтэй утас бүтээсэн анхны Хятад компани биш бөгөөд Lenovo-гийн S90 мөн л тун төстэй харагдаж байна.

iPhone 6 болон 100+ V6 утаснуудыг харьцуулж үзье:

Хятад маягийн Galaxy S5 утасны тухай ЭНД-с

Эх сурвалж: