Номын хорхойтнууддаа зориулан Интерном дэлгүүрт борлуулалтаараа тэргүүлсэн номнуудыг танилцуулдаг уламжлалтай.

Өнгөрсөн долоо хоног буюу аравдугаар сарын 13-наас 19-ны хооронд борлуулалтаараа тэргүүлсэн арван номыг танилцуулж байна.

Жагсаалтын эхний арван номыг сурах бичгүүдийг хасч оруулдаг болохыг сануулья.

И.Кюгийн “Хүн өөрийгөө 1% өөрчлөхөд амьдрал боломжоор дүүрэн” хэмээх ном энэ долоо хоногийн жагсаалтад шинээр оржээ. Энэ ном олон хүний баримталдаг тохиромжгүй сэтгэлгээ ба үйл хөдлөлийн хэв маягийг хөндсөн бөгөөд үр дүнг өөрчлөхийг хүсч байвал заавал учир шалтгааныг өөрчлөх хэрэгтэй талаар өгүүлдэг.

Мөн хүмүүсийн зан чанар, хүний мөс, сэтгэл санаа, хоорондын харилцаа, амьдарч буй орчны нөлөөг өгүүлдэг “Сургамжит өгүүллэгүүд” цувралын тав дахь дугаар мөн шилдэг борлуулалттай номын тоонд орсон байна.

Ингээд номын хорхойтнуудын сонгож буй арван номыг танилцуулья.

1. Зөгийн үүр бусниулсан охин, III боть – С.Ларсон

2. Өөдөө тэмүүл – Ш.Сандберг

3. Oxford Monsudar Англи-Монгол, Монгол-Англи өврийн толь бичиг

4. Oxford Monsudar Англи-Монгол толь бичиг

5. 1Q84, I (1Q84) – М.Харүки

6. Сургамжит өгүүллэгүүд V

7. Сорхугтани – Б.Сарантуяа

8. Ногоон нүдэн лам – Ц.Оюунгэрэл, Ж.Фолт

9. Хүн өөрийгөө 1% л өөрчлөхөд амьдрал боломжоор дүүрэн – И.Кю

10. Луун шивээст охин, I боть (Millennium) – С.Ларсон