БШУЯ ЮНЕСКО-той хамтран өнгөрсөн сард "Шинжлэх ухаан, технологи, инновацийн бодлогын шинэчлэл" үндэсний чуулган зохион байгуулсан юм. Энэ чуулганаар "Монгол Улсын Шинжлэх ухаан, технологийг 2007-2020 онд хөгжүүлэх мастер төлөвлөгөө"-ний үйл ажиллагааны хэрэгжилтэд үнэлгээ дүгнэлт өгчээ.

Энэ дагуу ЮНЕСКО, БШУЯ, ШУА, ШУТИС болон бусад холбогдох байгууллагууд хамтран “Шинжлэх ухаан, технологи, инновацийн шалгуур үзүүлэлтүүд” сэдэвт сургалтыг энэ сарын 14-16-ны өдрүүдэд Улаанбаатар хотноо зохион байгуулах гэж байна.

Шинжлэх Ухааны Академийн хүрээлэнгүүд, хх дээд сургуулиуд болон холбогдох судалгаа шинжилгээний байгууллагуудын төлөөлөл болох 100 гаруй хүн оролцох тус сургалтыг ЮНЕСКО-гийн Статистикийн хүрээлэнгийн хоёр мэргэжилтэн удирдах аж.