Чөлөөт бөхийн 2014 оны эрэгтэйчүүдийн 44 дэх, эмэгтэй 25 дахь удаагийн дэлхийн аварга шалгаруулах тэмцээн эхэллээ.

Эрэгтэйчүүдийн 57 кг-д барилдаж буй Э.Бэхбаяр эхний барилдаанд АНУ-ын Энтони Рамосыг 7:4-ийн харьцаагаар яллаа.

Тэрээр дараагийн тойрогт Энэтхэгийн Рахул Аваретэй барилдана.

Энэтхэгийн бөх эхний тойрогтоо өрсөлдөгчөө 10:0 харьцаагаар буулган авсан.

Эрэгтэйчүүдийн 120кг-д Ж.Чулуунбат эхний тойрогтоо Венесуэлийн бөх Льюс Вивенестэй барилдаж 10:0 харьцаагаар илт давуу яллаа.

Харин О.Үйтүмэн Грекийн бөх Тимофей Зенидест 11:4-өөр ялагдаж тэмцээнээ дуусгав.

Э.Бэхбаярын эхний барилдааныг дараах бичлэгээс үзнэ үү.

Г.Бэхбаяр Энэтхэгийн бөх Рахул Аваретыг 9:8 харьцаатай яллаа.

Г.Бэхбаярыг дэвжээнд гарах үед ахлах дасгалжуулагч Ц.Цогтбаяр, шигшээ багийн дасгалжуулагч Б.Баяраа нараас гадна түүний анхны багш Монгол Улсын гавъяат тамирчин А.Энхээ ууган шавиа дэмжлээ.

74кг ОУХМ Анхбаяр Тажикистаны бөхөд 11:0-ээр ялагдлаа.

Македоны бөхийг Ж.Чулуунбат минутын дотор 5 удаа дэвжээнд шахаж эргүүлээд л 10:0-гээр ялж шөвгийн наймд үлдлээ. Түүний дараагийн өрсөлдөгч дэлхийн аварга Беларусийн Алексей Шемаров.

Э.Бэхбаяр Энэтхэгийн бөх Рахул Аваретыг 4:0-оор ялж, шилдэг 4-т орлоо.

Э.Бэхбаярын дараагийн өрсөлдөгч нь Гүржийн бөх олимпийн мөнгөн медальт Хинчегашвили.

Харин Ж.Чулуунбат дэлхийн аварга Беларусийн Алексей Шемаровт 6:0-ээр ялагдлаа.