Монголын ирээдүй болсон хүүхэд, залууст өв уламжлалаараа бахархах ухамсарыг төлөвшүүлэх, таниулах, өвлүүлэх, дэлхийн нийтэд Монгол үндэсний хувцасны чамин загварыг  гайхуулах зорилгоор зохион байгуулдаг "Дээлтэй Монгол" наадам өнөөдөр буюу долдугаар сарын 13-нд Чингисийн талбайд найм дахь жилдээ болох гэж байна.  

Наадмын үеэр үндэсний хувцас, бэлэг дурсгалын зүйлсийн үзэсгэлэн худалдаа, соёлын биет болон биет бус өвийг сурталчлах олон төрлийн арга хэмжээг зохион байгуулах аж.

Мөн монгол үндэсний дээл, хувцас хэрэглэл, монгол гэр болон бэлэг дурсгал, гар урлалын бүтээгдэхүүн үйлдвэрлэгчид, урчууд, төрийн болон төрийн бус байгууллагууд, аж ахуйн нэгж, аялал жуулчлалын чиглэлээр үйл ажиллагаа явуулж буй байгууллага, үндэсний хувцсаар гоёсон бүх насны гадаад, дотоодын иргэд оролцох боломжтой юм.

Уг наадмын үеэр Монгол үндэсний хувцастай баярын жагсаал, нийтийн бүжиг гэхчлэн олон нийтийг хамарсан арга хэмжээнүүд болох юм. Энэ жилийн наадмаар иргэдийн сонирхлыг татсан урлаг соёлын арга хэмжээг түлхүү зохион байгуулан дэлхийн хэмжээний соёлын наадмуудтай ижил өнгө төрхтэй болгоно гэж зохион байгуулагчид онцоллоо.

“ДЭЭЛТЭЙ МОНГОЛ–2014” НААДАМ хөтөлбөр

13.00-14.00    Нээлтийн ажиллагаа
Монгол үндэсний хувцастай оролцогчдын ёслолын жагсаал
14.00-14.15     Үндэсний урлагийн тоглолт
14.15-14.30     Үндэсний хувцасны загварын үзүүлбэр
14.30-14.50     “Хамгийн бяцхан үндэсний хувцастай оролцогч” шалгаруулалт
14.50-15.05     Урлагийнтоглолт
15.05-15.35     “Хамгийн сайхан дээлтэй хос” шалгаруулалт
15.35-16.00     Цэнгээнтхөтөлбөр
16.00-16.15     “Монгол үндэсний хувцастай гадаадын шилдэг оролцогч” шалгаруулалт
16.15-16.30     Урлагийн тоглолт
16.30-16.45     Шагнал гардуулах ёслол
                        -Хамт олноороо идэвхтэй оролцсон байгууллага
                        -Шилдэг зохион байгуулалттай, идэвхтэй оролцсон дүүрэг
16.45-17.15     Нийтийн бүжиг
17.15-17.30     Урлагийн тоглолт
17.30-17.45     Шагнал гардуулах ёслол
                        -Нийтийн бүжгийн шилдэг хос
17.45-18.00     Хаалтын ажиллагаа           

Дэлгэрэнгүй мэдээллийг Нийслэлийн Аялал жуулчлалын газрын 70108687, Монголын Аялал жуулчлалын холбооны 327820 дугаарын утсаар авах боломжтой.