Монголын тулгар төр үүссэний 2222, Их Монгол улсыг байгуулсны 807, Ардын Хувьсгалын 92, Ардчилсан хувьсгалын 22 жилийн ойн их баяр наадам өргөн дэлгэр сайхан болсон.

Өнгөрсөн жилийн наадамд даян аварга нэг, аварга хоёр, арслан долоо, гарьд тав, заан 13, харцага 18, начин 47, аймгийн хурц арслан найм зэрэг 512 хүчтэн зодоглосон юм. 

Гурван жил дараалан төрийн наадмынхаа их шөвөгт үлдсэн Гунаажавын Эрхэмбаяр арслан түрүүлж, улсын начин Батнасангийн Гончигдамба үзүүрлэсэн наадмын зарим сонирхолтой агшинг хүргэж байна.

Монгол Улсын харцага цол хүртсэн бөхчүүд

1. Булган аймгийн Сайхан сумын харьяат  "Булганхангай" дэвжээ, "Женко" клубын бөх аймгийн арслан Найдангийн Түвшинбаяр улсын харцага цол

2. Увс аймгийн Ховд сумын харьяат ШШГЕГ-ын "Сүлд" спорт хороо, 415-р анги, "Увснуур" дэвжээ, "Химон" ХХК-ний бөх аймгийн арслан Намсрайжавын Батсуурь улсын харцага цол

3. Хэнтий аймгийн Өмнөдэлгэр сумын харьяат Хэнтий аймгийн Цагдаагийн газар, "ХанХэнтийн аварга" дэвжээ, "Хангарьд" группийн бөх аймгийн арслан Энхтөгсийн Оюунболд улсын харцага цол

Монгол Улсын начин цол хүртсэн бөхчүүд

1. Увс аймгийн Тэс сумын харьяат "Цахилгаан дамжуулах үндэсний сүлжээ" ТӨҮГ, "Увснуур" дэвжээ, БХИС-ийн бөх аймгийн арслан Төрөөгийн Баасанхүү улсын начин цол

2. Говь-Алтай аймгийн Цогт сумын харьяат  ХХЕГ-ын "Хилчин" спорт хороо, "Газар холдинг" ХХК, "Гео мандал" ХХК, "Хантайшир" дэвжээний бөх аймгийн арслан Лувсандоржийн Цэрэнтогтох улсын начин цол тус тус хүрсэн юм.