Номын хорхойтнууддаа зориулан Интерном дэлгүүрт борлуулалтаараа тэргүүлсэн номнуудыг танилцуулдаг уламжлалтай.

Өнгөрсөн долоо хоног буюу зургадугаар сарын 9-нөөс 15-ны хугацаанд найман зууны тэртээ эгэл хүмүүний амьдралаар амьдарч, зовлон жаргалын дундуур явсан Сорхугтани хатны бахдам түүхийг уран зохиолын хэлнээ буулгасан зохиолч Б.Сарантуяагийн “Сорхугтани” роман борлуулалтаараа тэргүүлжээ.

Харин хоёр­дугаарт өнгөрсөн долоо хоногт борлуулалтаараа тэргүүлж байсан Колумбын зохиолч Габриель Гарсиа Маркесын "Зуун жилийн ганцаардал" роман орсон байна.

Хүн амины учир битүүлэг хэрэг, гэр бүлийн сүйрэл, хайрын түүх, санхүүгийн нарийн асуудлуудыг нэг дор, цогцоор нь үнэмшилтэй харуулж чадсан гайхамшигтай бүтээл болох Стиг Ларсоны “Луун шивээст охин” жагсаалтын гуравдугаарт оржээ.

Уг ном борлуулагдаж эхэлснээсээ хойш тасралтгүй шилдэг борлуулалттай номын жагсаалтад орсоор байгаа юм.

4.Ш.Сандбергийн "Өөдөө тэмүүл"
5.Ц.Оюунгэрэл, Ж.Фолт "Ногоон нүдэн лам"
6.В.Хюго "Инээмтгий хүн"
7.Г.Буянжаргал "Япон хураангуй толь бичиг"
8. Х.Экслей "Нөхөрлөл"
9.С.Ларсон "Галаар наадсан охин , II боть (Millennium цуврал)"
10.К.Гаткум "Гэрэл зураг сонирхогчдод зориулсан гарын авлага" тус тус оржээ.