Оросын Сонгуулийн төв комисс өнгөрсөн бямба гаригт Ерөнхийлөгчийн сонгуульд бие даан нэр дэв­ших гэж байсан долоон хү­нийг бүртгэж авахаас татгалз­сан байна.

Тэдний нэг нь Зөвлөлтийн үед цагаачилсан Владимир Бу­ковский юм. Харин Баруунт­ны хүчний холбооноос сон­гуульд нэрийг нь дэвшүүлсэн Борис Нем­цовыг бүртгэж авах боломж­той хэмээн үзжээ.

Сонгуулийн төв комис­сын өнгөрсөн бямба гаригт болсон хуралдаан дээр нийт найман нэр дэвшигчийн асууд­лыг хэлэлцэв. Тэднээс В.Буковс­кий, Хууль бус ца­гаач­лалын эсрэг хөдөлгөөний тэргүүн Николай Курьянов нарын талаар нэлээд нухацтай яригдсан байна. Хамгийн тү­рүүнд тэд нэр дэвшигч Борис Немцовтой холбоотой асуу­дал тэр дундаа санхүү­гийн эх үүсвэрээ ил тод бол­гох шаард­лага тавьжээ. Б.Нем­цов нь ирэх нэгдүгээр сарын 10-ны өдөр хүртэл өөрийг нь дэмжиж буй хоёр сая хүний гарын үсгийг авч­рах ёстой. Цуглуулсан гарын үсгийг хуурамч эсэхийг шал­гас­ны эцэст Сонгуулийн төв комисс бүртгэж авах эсэхээ шийдэх юм.

Бусад нэр дэвшигчийг бүртгэж авахаас татгалзах­даа тодорхой шалтгаан дурд­сан байна. Жишээ нь, цагаач Буковский гэхэд хоёр иргэн­шилтэй, сүүлийн 10 жилийн хугацаанд Орост амьд­раа­гүй аж. Үүнийг батлах баримт бичгийг ОХУ-ын ГХЯ-наас ирүүлсэн байна. Ийм шийд­вэр гаргасны дараа В.Бу­ковс­кийг дэмжигчид ОХУ-ын Дээд шүүхэд гомдол гаргана гэдгээ мэдэгдсэн юм. Бу­ковс­кийгээс гадна Төрийн Думын гишүүн асан үндэсний үзэл­тэн Николай Курьяно­выг Сонгуулийн төв ко­мисс бүрт­гэж авсангүй. Ин­гэх­­дээ түү­нийг дэмжиж буй бүлэг байх­гүй гэсэн тайлбар өгчээ. Нэр дэвшигч Новоси­бирскт өөрийг нь дэм­жигчид нь ху­рал­дах газрын хаягийг баримт бичигтээ заа­сан бай­на. Харин тус комис­сын гишүүд шалга­хаар очи­ход ямар ч хурал болоогүй аж. Түүнээс гадна бие даасан нэр дэвшигчид болох Вале­рий Беспалов, Дмитрий Бердни­ков, Юрий Гужабидзе, Влади­мир Ищенко нарыг бүртгэж авсангүй.

Ийнхүү одоогийн байд­лаар “Нэгдсэн Орос” зэрэг нийт дөрвөн намаас нэр дэвш­сэн Ерөнхий сайдын орлогч Дмитрий Медведев, Либерал-Ардчилсан намын тэргүүн Владимир Жири­новс­кий, Ерөнхий сайд асан Михайл Касьянов, Ардчилсан намын дарга Андрей Богда­нов, Баруунтны хүчний хол­боо­ны тэргүүн Борис Немцов нарын нийт зургаан хүн Ерөн­хийлөгчийн сонгуульд өрсөл­дөх эрхээ авчихаад байгаа юм. Эхний гурав нь өр­сөлдөх нь гарцаагүй бол М.Касьянов, А.Богданов, Б.Немцов нар хоёр сая хүний гарын үсэг цуглуулж байж сонгуульд өрсөлдөх эрхээ авах аж.
“Газета”