Баянзүрхийн товчооноос Богд уулын араар Яармагийн гүүр хүртэл тавигдах 17.6 км авто замын ажил энэ оны наймдугаар сарын 01-нд бүрэн дуусах гэрээтэй.

Замын зүүн эхлэл хэсэгт төмөр зам дээгүүр өнгөрөх гүүрийн ажил хийгдэж байна. Далан, суурийн ажлыг гүйцэтгэж, хучилт авахад бэлтгэж байгаа “ЭСТО” компанийн замчид шинэ замаа улсын баяр наадмаас өмнө хүлээлгэж өгөхөөр төлөвлөгөөт хугацаагаа шахан ажиллаж байгаа ажээ.

Харин Яармагийн гүүрийн баруун талд барьсан түр гүүрийг хоёр тийш холбох холбоос 0.5 км авто замын ажлын хувьд хашлага суурилуулах болон хучилтын ажил үлдээд байна. “Наранбулаг Хан” ХХК уг замын ажлыг гүйцэтгэх гэрээ байгуулан ажиллаж, Туул голын хөвөөний том жалганд дүүргэлт хийж, далан суурийг бэлтгэжээ.