Чөлөөт бөхийн насанд хүрэгчдийн эрэгтэй чөлөөт бөхийн 37 дахь, эмэгтэй чөлөөт бөхийн 13 дахь удаагийн улсын аварга шалгаруулах тэмцээн Спортын төв ордонд өчигдөр эхэллээ.   

Тэмцээнд 26 биеийн тамир, спортын хороо, клубын 174 эрэгтэй, 64 эмэгтэй тамирчин өрсөлдөхөөр мэдүүлгээ өгчээ.

Эхний өдөр эрэгтэй 57кг, 70кг, 97кг, эмэгтэй 48кг, 58кг-ын жингийн бөхчүүдийн барилдаан боллоо.

Олон улсын хэмжээний мастер Э.Нарангэрэл, Д.Хүдэрбулга, Б.Шоовдор нар анх удаа, Б.Анхбаяр, Э.Бэхбаяр нар улсын хошой аварга боллоо. Ингээд эхний өдрийн медаль хүртсэн тамирчдыг сонирхуулъя.

Эрэгтэй                                               

57 кг

1. Эрдэнэбатын Бэхбаяр /”Хүч” спорт хороо/

2. Дамдинбазарын Цогтбаатар /”Алдар” спорт хороо/

3. Бямбадоржийн Хаш-Эрдэнэ /”Алдар” спорт хороо/

3. Жамьянгийн Баярхүү /Дархан-Уул аймаг, “Хасу-Мегастарс” клуб/

70 кг

1. Батчулууны Анхбаяр /”Харгант-Цамхаг” клуб/

2. Буянжавын Батзориг /”Хилчин” спорт хороо/

3. Гантулгын Идэрхүү /”Гацуурт-Олимп” сургууль /

3. Доржцэгмэдийн Алтангэрэл /Орхон аймаг, “Хангарьд” клуб/

97 кг

1. Доржхандын Хүдэрбулга /”Ганьт” клуб/

2. Гомбодоржийн Пүрэвдорж /”Харгант-Цамхаг” клуб/

3. Мөнхжаргалын Билгүүтэй /”Женко” клуб/

3. Батдоржийн Сосорбарам /”Аварга” биеийн тамирийн

дээд сургууль/

Эмэгтэй

48 кг

1. Эрдэнэсүхийн Нарангэрэл /”Хангарьд” клуб/

2. Цогтбаатарын Цэнджав /”Харгант-Цамхаг” клуб/

3. Цогт-очирын Намуунцэцэг /”Хасу-Мегаватт” клуб/

3. Эрдэнэсүхийн Отгонцэцэг /Замчин” клуб/

58 кг

1. Баатаржавын Шоовдор /”Цастын Барс” клуб/

2. Эрдэнэбатын Оюун-Эрдэнэ Орхон аймаг, “Ирээдүйн одод”

спортын дунд сургууль/

3. Сүндэвийн Бямбацэрэн /”Аврагч” спорт хороо/