Бид амьдралынхаа ойролцоогоор гуравны нэгийг буюу 34%-ийг ажил хийж өнгөрүүлдэг. Иймд ажил амьдралын тэнцвэрт байдлаа хадгалах нь маш чухал орчин үеийн чиг хандлага болоод байна гэж Залуучуудын Зохистой Хөдөлмөрийн Сүлжээнээс мэдээллээ.

Манай улсад хөдөлмөр эрхэлж буй ХОЁР ХҮН тутмын НЭГ нь 48-аас дээш цагаар ажиллаж байна.

Хөдөлмөрийн тухай хууль /шинэчилсэн найруулга/ энэ онд батлагдаж ирэх оноос буюу 2022 оны 1 дүгээр сарын 1-ний өдрөөс эхлэн дагаж мөрдөнө.

Хуулийн 84 дүгээр зүйл. Ажлын цагийн дээд хязгаар

• Долоо хоногийн ердийн ажлын цаг 40-өөс илүүгүй байна.
• Ердийн ажлын өдрийн үргэлжлэл найман цагаас илүүгүй байна.
• Насанд хүрээгүй хүний долоо хоногийн ажлын цаг 30-аас илүүгүй байна.
• Долоо хоногийн ажлын цагийн дээд хязгаар нь 56 цагаас илүүгүй байна. Өдөрт ажиллах илүү цагийн хязгаар нь дөрвөн цагаас илүүгүй байна.

Эх сурвалж: Залуучуудын Зохистой Хөдөлмөрийн Сүлжээ