Сүмо бөхийн 2022 оны нэгдүгээр сарын тэмцээн буюу Хацү башё өнөөдөр дууслаа. Сүмод идэвхтэй барилдаж буй цорын ганц ёкозүна Терүнофүжи Г.Ган-Эрдэнэ 11 даваа 4 унаатайгаар тэмцээнээ дуусгалаа.

Тэрээр 15 дахь өдрийн барилдаанд секиваке Митакэүмид өвдөг шороодсон бөгөөд Японы бөх 13 даваа 2 унаатайгаар Хацү башёд түрүүллээ.

Хэрвээ сүүлийн барилдаанд Терүнофүжи Г.Ган-Эрдэнэ давсан бол аваргын төлөө нэмэлт барилдаан хийх боломжтой байв.

Хацү башёны дээд зиндаанд Монголын зургаан бөх зодоглосноос

1. Ёкозүна Терүнофүжи Г.Ган-Эрдэнэ 11 даваа 4 унаа
2. Маэгашира 1 Кирибаяама Б.Лхагвасүрэн 6 даваа 9 унаа
3. Маэгашира 2 Ичиножо А.Ичинноров 8 даваа 7 унаа
4. Маэгашира 3 Тамаваши Б.Мөнх-Оргил 8 даваа 7 унаа
5. Маэгашира 6 Хошорюү С.Бямбасүрэн 11 даваа 4 унаа
6. Маэгашира 5 Чиёошома Г.Мөнхсайхан 4 даваа 11 унаатай тус тус барилдаанаа дуусгалаа.