Сонгинохайрхан дүүрэгт орших хүнсний томоохон худалдааны төв болох Барс-2 худалдааны төвд гал гарчээ.

Одоогоор хүнсний хэсэг байрлах танхим нь шатаж байгаа бөгөөд хэргийн газар Нийслэлийн онцгой байдлын газрынхан ажиллаж байна.

Холбогдох албаныхны мэдээлж буйгаар тухайн захтай залгаа орших нэгэн цайны газрын хүнсний газ дэлбэрснээр ийн гал гарсан байна.

Дашрамд дурдахад Нарантуул худалдааны төвд гал гарсны дараа Мэргэжлийн хяналтынхан хүнсний  захуудад шалгалт хийсэн бөгөөд тухайн үед Барс худалдааны төвийг галын аюулгүй байдлын шаардлага хангахгүй хэмээн мөнгөн торгуул оногдуулж байжээ.