Монголын Мэргэшсэн Нягтлан Бодогчдын Институт, СЭЗДС-тай  хамтран   эдийн засаг, нягтлан бодох бүртгэлийн багш, судлаач, эрдэмтдийн дунд “НЯГТЛАН БОДОХ БҮРТГЭЛ, АУДИТ-2014” сэдэвт олон улсын эрдэм шинжилгээний хурлыг 5 дугаар сарын 7-ны өдөр СЭЗДС дээр зохион байгуулах гэж байна.

ММНБИ-ээс жил бүр уламжлал болгон зохион байгуулдаг багш, судлаачдын эрдэм шинжилгээний хурал энэ жил олон улсын шинж чанартай болж байгаагаараа онцлог юм. Энэ удаагийн эрдэм шинжилгээний хуралд Филиппин, ОХУ, Монголын  судлаачид оролцоно.  

Эрдэм шинжилгээний хуралд тавигдах илтгэлүүдээс нягтлан бодох бүртгэл, аудитын хөгжлийн өнөөгийн болон ирээдүйн хандлагыг шинжлэх ухааны ололт, судалгаа, эрдэм шинжилгээний ажлын үр дүнтэй хослуулсан байдал, дэвшүүлсэн шинэ санаа, практик ач холбогдлыг харгалзан 3 илтгэлийг шалгаруулж, өргөмжлөл, мөнгөн шагнал олгох юм.