Авлигатай тэмцэх газраас энэ оны нэгдүгээр улиралд харьяаллын дагуу 299 үйлдэлтэй, 96 эрүүгийн хэрэгт мөрдөн байцаалт явуулсан байна. Энэ нь 2013 оны мөн үеийнхтэй харьцуулахад 20.8 хувиар өссөн үзүүлэлт гэнэ.

Эдгээрийг ангилж үзвэл,
-төрийн албан тушаалтан эрх мэдлээ урвуулан ашиглах 25,
-төрийн албан тушаалтан эрх мэдлээ хэтрүүлэх 7,
-төрийн бус байгууллага, аж ахуйн нэгжийн албан тушаалтан эрх мэдлээ урвуулах 11,
-төрийн бус байгууллага, аж ахуйн нэгж эрх мэдлээ хэтрүүлэх 1,
-хээл хахууль авах 11,
-хээл хахууль өгөх 11,
-хээл хахуульд зуучлах 4,
-төсвийн хөрөнгийг зориулалтын бусаар зарцуулах 4,
-бусад хэрэг 26 хувийг тус тус эзэлсэн байна.

Хэргийн шийдвэрлэлтийн хувьд 21 хэргийг яллах дүгнэлт үйлдүүлэх, 14 хэргийг хэрэгсэхгүй болгох саналтайгаар прокурорт, 6 хэргийг харьяаллын дагуу тус тус шилжүүлжээ.

Мөн 2 хэргийг эрүүгийн хэрэгт нэгтгэж, 4 хэргийг түдгэлзүүлж, 49 хэрэг мөрдөн байцаалтад байгаа аж.

Эрүүгийн хэрэгт 128 хүн сэжигтэн, яллагдагчаар татагдсан ба хамгийн их хувийг буюу 35 хувийг ААН, байгууллагын албан тушаалтан байгаа гэнэ.