Халуун бүсийн Ямайкийн бобслейчид нэлээдгүй саад бэрхшээлийг даван туулан байж Сочид нэрээ үлдээж чадлаа.

Олимпод явахаар Ямайкийн олимпийн үндэсний хороондоо хандан тэд санхүүгийн туслалцаа үзүүлэхийг хүсэхэд татгалзсан хариу сонсчээ.

Ингээд интернэтээр хандив цуглуулснаар 30 гаруй мянган ам.долларыг цуглуулж Сочиг зорьжээ.

ОХУ-ыг зорих замдаа Ямайк бобслейчдын чарга, ачаа тэшээ алга болсон ч аз тохиож олджээ.

46 настай Уйнстон Вотс, 30 настай Марвин Диксон нар өчигдөр олимпийн уралдааны замд гарч 30 дугаар байр буюу хамгийн сүүлд шалгарчээ.

Хэдийгээр бобслейчид сүүл мушгисан ч олон саад бэрхшээлийг давж Сочигийн олимпод оролцож чадсандаа баяртай байгаа гэнэ.