“Монголын нууц товчоо”-нд тулгуурласан “Чингис хаан” нэртэй 20 цуврал комик номыг хүүхдүүдэд зориулж хялбаршуулан бүтээсэн. Энэ нь Чингис хааны төрөхөөс насан эцэслэх хүртэлх амьдрал, түүний байлдан дагуулал, Монголын эзэнт гүрний түүхийг өгүүлсэн танин мэдэхүйн зурагт ном юм.

Цувралын гол баатар Чингис хаан дэлхийн хэмжээнд Монголын төдийгүй бүх л Азийн ард түмэн, дорно дахины соёл иргэншлийн ололт, сэргэн мандалтын гол төлөөлөгч билээ.“Чингис хаан” цуврал нь Монголын уншигч олон түмэн, хүүхэд багачуудын оюуны хэрэгцээ, таалалд нийцэж, ихээхэн амжилт олж чадсан бүтээл юм.

 “Заан Залуудай” дөрвөн цуврал комик ном нь адал явдлаар дүүрэн, танин мэдэхүйн зурагт ном юм. Хүүхэд залуус та бүхэн Их Монгол Улсын түүхийг уг номноос олж мэдэж болно.  Чингис хаан төрөхөөс өмнө, балар эрт цагт Монгол нутагт ямар хүмүүс хэрхэн яаж аж төрөн амьдарч байсан, ямар амьтад байсан,  тэд гэр сууцаа хэрхэн барьдаг байсан, тээврийн хэрэгсэлгүй  балар эрт цагт  хол газрыг хэрхэн туулдаг байсан зэрэг нь орчин үеийн хүүхдүүдэд сонирхолтой. Энэ мэт олон  асуултын хариуг “Заан Залуудай” номноос уншаарай.

Мэдээллийн эрин зуунд амьдарч байгаа хүүхэд залуусын хэрэгцээ, шаардлагад үндэслэн “Чингис хаан”, “Заан Залуудай” цуврал бүтээлүүдээ iPhone, iPad-нд зориулсан Application болгон уншигч та бүхэндээ хүргэж байна.

“Чингис хаан” комик – Монгол хэл дээрх хувилбарыг татаж авах: http://goo.gl/PO1OVN

“Чингис хаан” комик – Англи хэл дээрх хувилбарыг татаж авах: http://goo.gl/tn34tU

“Заан Залуудай” комик татаж авах: http://goo.gl/vLy5YC