КАБУЛ. /Reuters/. Афганистан улсын хувьд нэн чухал шийдвэрлэх мөч ирээд байна.

Учир нь олон улсын хүчин энэ оны эцэс гэхэд тус улсаас гарахаар товлосон юм. Мөн тус улс ерөнхийлөгчийн сонгуулиа ирэх дөрөвдүгээр сард хийнэ.

2001 оны есдүгээр сарын 11-нд АНУ-д болсон террорист халдлагын дараа АНУ тэргүүтэй олон улсын цэргийн хүчин Афганистаны "Талибан"-ы засгийн газрыг түлхэн унагаасан юм. Тэр үеэс хойш олон улсын хүчин эмх замбараагүй байдалтай тэмцэх ажиллагаа өрнүүлсээр байна.

Аюулгүй байдлыг сахиулахад туслахаар тус улсад олон улсын 80 мянга гаруй цэрэг өнөө хэр нь байрлаж байна.
Гэсэн ч талибуудын үлдэгдлүүдийн террорист халдлага энэ улсад нэмэгдсээр байгаа юм.
Хамид Карзайг залгажлах хүнийг сонгох ерөнхийлөгийн сонгууль тайван болох эсэхэд аюулгүй байдал муудаж буйн улмаас түгших нь нэмэгдлээ.

Олон улсын хүчин улсаас нь гарсны дараа Афганистаны цэрэг болон цагдаагийн хүчин аюулгүй байдлыг дангаараа сахиулах боломжтой эсэхэд ажиглагчид эргэлзэж байна. Афганистаны аюулаас хамгаалах хүчнийхнийг авлига авдаг гэж байнга шүүмжилдэг юм.

Мөн олон улсын хүчин Афганистанаас гарсны дараа тус улсын иргэний дайн дахин сэргэж болзошгүй гэж ажиглагчид үзэж байна.