“Магнай трейд” компани шатахууны үнээ нэмж “АИ-92” бензинийг 1680 төгрөгөөр борлуулж эхэллээ.

“Магнай трейд” компанийн холбогдох утаснаас энэ талаар тодруулахад “Манайх 50 төгрөгөөр нэмэгдсэн. Шатахуун түгээх бүх салбар станцууд 50 төгрөгийн нэмэгдэлтэй борлуулж байгаа” гэж хэллээ. Харин яагаад нэмэгдсэн бэ гэсэн асуултад хариулт өгсөнгүй.

Өнгөрсөн долоо хоногт Уул уурхайн яамны сайд, Газрын тосны газрын удирдлагууд хэвлэлийн бага хурлын үеэр “Ойрын хугацаанд бензиний үнэ нэмэгдэхгүй. Хомсдол үүсэхгүй” хэмээн хэлсэн бол нефть импортлогчид түрүүчээсээ үнээ нэмж эхэллээ.

Б.Ирээдүй