Монгол түмний бичиг оюуны наран өнөд мандан гийж, үндэсний эв нэгдэл очир мэт бат бэх байж, ариун сэтгэлийн сайн буяны хөрөнгө арвидан дэлгэрч, ажил үйлс амьдрал бүтээл санасан ёсоор сэтгэлчлэн бүтэж явахын өлзийт ерөөлийг өргөн дэвшүүлье. Сайн үйлс бүхэн дэлгэрэх болтугай" гэлээ. Дараа нь ном хаялцах ёслолын ажиллагаа болсон юм. Гурван дацангаас зургаан лам гарч ирж өөр хоорондоо ном хаялцлаа. Уг  ёслолын ажиллагааны дараа Нийслэлийн арын дагшин газрын нэг болох Тасганы овоон дээр байгуулах үндэсний соёл, шашны цогцолбор, цэцэрлэгт хүрээлэнгийн шав тавих ёслол боллоо. Угүйл ажиллагаанд Ерөнхийлөгч Н.Энхбаяр, нийслэл хотын удирдлагууд, шашны төлөөлөл лам хуврагууд оролцсон юм. Нийслэл хотыг 2020 он хүртэл хөгжүүлэх шинэ ерөнхий төлөвлөгөөг боловсруулахдаа хотын барилгуудыг архитектур түүх дурсгалын үнэ цэнээр нь ангилж үнэлэхэд нэгдүгээр зэрэглэлд хамрагдсан долоон цогцолборын нэгд Гандантэгчэнлин хийд, Гэсэр сүм байна. Тиймээс төр засаг, ард иргэдийн идэвхтэй дэмжлэгээр Тасганы овооны цогцолборыг монголын уламжлалт шашин соёлыг сурталчлах соёлын дурсгалт газар, аялал жуулчлалын төв болгохоор шийдсэн аж. Үүнийг дэмжиж буйгаа ч Ерөнхийлөгч Н.Энхбаяр үг хэлэхдээ хэлж  байсан. Цаашдаа энэ цогцолборыг Монголын буддын шашны гол төв аялал жуулчлалын нэг чухал хэсэг болгох гэнэ. Цогцолборыг шашны үйл ажиллагаа, бизнес үйлчилгээ, зам талбай, ногоон байгууламж гэсэн ангилалтайгаар төлөвлөсөн юм байна. Тасганы овоо нь Чингэлтэй дүүргийн наймдугаар хорооны нутаг дэвсгэрт байрладаг зааны хушуу мэт хэлбэртэй бөгөөд 13 га талбайг эзэлдэг аж. Тасганы овооны гол хойд хэсэгт Бурхан багшийн гэгээн дүр 18 метрийн өндөртэй суугаа байдлаар залран сүндэрлэх гэнэ. Овооны баруун талд Энхжингийн сүм, Бурхан шашны урлахуйн ухааны дээд сургууль, соёлын төв, музей, галлерей байна. Харин Тасганы овооны бэл хэсэгт, бизнесийн орчинг бүрдүүлж, ногоон байгууламж тохижилтын асуудлыг хэрэгжүүлж байнгын арчилгаатай болгох зорилгоор гар урлалын байгууллагууд төвлөрөх юм байна. Мөн овоооны гол замаар сэтэлсэн хойд хэсгийн налууд 500-1000 машин багтах гарааш барьждээгүүр нь тунель тавьж болох гэнэ. Ингэснээр овооны тасарсан хэсгийн төрх байдлыг барилга байгууламжаар сэргээн холбож өгөх аж. Энэхүү барилга байгууламжийг "А,Б" гэсэн хоёр хэсгээр төлөвлөж байгаа бөгөөд "А" хэсэгт 5.4 тэрбум, "Б" хэсэгт 8.2 тэрбум төгрөг шаардагдах юм байна. Уг үндэсний соёл, шашны цогцолбор, цэцэрлэгт хүрээлэнг ойрын хоёр жилийн хугацаанд байгуулж дуусахаар төлөвлөөд байгаа юм байна. Түүнчлэн овооны урд хэсэгт байх Гэсэр сүмийг дэлхийн банкны санхүүжилтээр сэргээн засварлахаар болжээ.

Зуны эхэн сарын шинийн 15-н буюу Бурхан багшийн их дүйчин өдөр өчигдөр тохиолоо. Энэ өдөр буян хийвэл 1000 дахин арвижина гэдэг. Тэгээд ч тэр үү, Гандантэгчэнлин хийд өчигдөр хөл хөдөлгөөн ихтэй байв. Өглөө тус хийдэд шашны соёмбот тугийг залах, Мандал өргөх ёслолын үйл ажиллагаа болсон юм. Ёслолын ажиллагаанд Ерөнхийлөгч Н.Энхбаяр, нийслэлийн Засаг дарга Ц.Батбаяр, хамба лам Д.Чойжамц болон бусад сүм хийдийн хамба" лам нар оролцлоо. Дээрх ёслолын ажиллагааг нээж Ерөнхийлөгч Н.Энхбаяр үг хэлсэн юм. Тэрбээр хэлэхдээ "Энэ онд дэлхийн бурхны шашинт улс орнууд, буддагийн бишрэн шүтэгчид, Бурхан багшийн мэндэлсний 2250 жилийн ойг өргөн дэлгэр тэмдэглэж байна. Хүн төрөлхтөн нийтийн тооллын XXI зуунд  шилжин ороод удаагүй байгаа энэ цаг үед хорин зургаан зууны тэртээх Буддагийн сургааль номлол улам бүр олны анхаарлыг татах боллоо. Энэ үзэл сургаалийн үнэ цэн, татах хүч нь энэрэн нигүүлсэх сэтгэл, үнэнч шударгыг эрхэмлэдэгт оршино. Монголын Бурхан шашинтны төв Гандантэгчэнлин хийд, Их цогчин дуган шинээр барих, сургалт судалгаа, бясалгал бүтээлийн цогцолбор төв-Наландра их сургуулийг байгуулах, нийслэлийн засаг захиргаатай хамтран Тасганы овоог үндэсний соёл, шашны цогцолбор цэцэрлэгт "хүрээлэн болгох, Дашчойлин хийд, Майдар бурхныг сэргээн залах зэрэг шашин соёлын томоохон төсөл, санаачилга гарган ажиллаж байгааг талархан тэмдэглэе. Бусад сүм хийдүүд ч дор бүрнээ суварга бүтээн босгох, сэргээн засах, ном эрдмийг сургах сурталчлахад хичээнгүйлэн чармайж буй биз ээ.

Б.Майцэцэг