Хичээлийн шинэ жил эхэлж буйтай холбоотойгоор нийслэлийн замын хөдөлгөөний ачааллыг бууруулах үүднээс автомашинуудыг замын хөдөлгөөнд дугаарын хязгаарлалтаар оролцуулах захирамж гаргаад буй.

Уг захирамжид өнөөдрөөс эхлэн иргэдэд троллейбус үнэ төлбөргүй үйлчлэх тухай тусгажээ. Захирамж ирэх есдүгээр сарын 1-н хүртэл үргэлжилэх юм.

Мөн энэ өдөр иргэд тэгш, сондгойгоор хязгаарлагдаж замын хөдөлгөөнд орох ёстой ч энэ шийдвэр хэрэгжиж байгаа эсэхэд эргэлзэхэд хүрээд байна.

Тодруулбал, автомашинуудыг тэгш сондгойгоор ялгаж хөдөлгөөнд оруулж байгаа энэ өдрүүдэд нийслэлд явж байгаа машины бараг л тал хувь нь явахгүй.

Тэр хэрээр замын хөдөлгөөн буурч, иргэд ч хүссэн, зорьсон газартаа саадгүй очих учиртай.

Гэтэл бодит байдал дээр өмнөх өдрүүдээс бүр ч долоон дор байна. Хаашаа л харна замын түгжрэл, бухимдсан жолоочийн сигнал хангинаж, зам дээр багширсан машинууд таг.

Яг л өмнөх амралтын өдрүүдэд ямар байдаг, тэр янзаараа. Тэгэхээр Нийслэлийн Засаг даргын гаргасан шийдвэр хэрэгжихдээ хэцүүхэн байгаа бололтой. Өөрөөр хэлбэл, тэд иймэрхүү шийдвэрийг аргалах нарийн аргаа олчихож.

Тэгш нь ч бий, сондгой ч бий гэдгээ харуулаад байгаа бололтой. хуурамч улсын дугаарын бизнес цэцэглэж, тэгш нь явдаггүй өдрүүдэд сондгой тоотой дугаараа өлгөж, сондгой нь явахгүй бол тэгш дугаараа зүүсэн бандгар, бандгар жийптэй эрхмүүд гудамжинд бөглөрөөд зогсч байна, хотын дарга аа. Түгжрэл буурсангүй. Төв зам дээр машин багширсан хэвээр байна.

/www.mminfo.mn /