Монгол-Оросын хувь нийлүүлсэн нийгэмлэг Улаанбаатар Төмөр зам энэ долоо хоногоос зорчих тасалбарыг интернэтээр худалдаалах вебсайтын ажлыг эхлүүлэхээр зэхжээ.

Ингэснээр тасалбар худалдаалах төвийн үүдэнд дугаарлаж зогсох иргэд багасах аж.
Харин иргэд интернэтээр төлбөр хийх эрхтэй төлбөрийн картаа ашиглан зорчин явах галт тэрэгнийхээ тасалбарыг худалдан авч, цаг заваа хэмнэх гэнэ.

Статистик бүртгэл мэдээллийн технологийн төвийн програм зохиогч инженерүүд уг үйлчилгээг нэвтрүүлж, www.eticket.ubtz.mn вебсайтыг нээж байна.

Б.Ширнэн