Монголын татварын албанаас жил бүр татвар төлөгчдийн өдрүүдийг тохиолдуулан Үндэсний татварын албаны дээд шагнал “ХӨХ ДЭВТЭР”-ийг гардуулдаг уламжлалтай. Энэ жилийн “Хөх дэвтэр”-ийг олон улсын Рамада зочид буудлын Монгол дахь салбарыг эрхлэн ажиллуулдаг Макс Ложинг ХХК гардан авлаа.

Рамада Улаанбаатар нь дэлхийд өрөөний тоогоороо тэргүүлэгч Виндем Группийн зочид буудлын сүлжээний Монгол дахь салбарын зэрэгцээ нийслэл хот дахь хамгийн сүүлийн үеийн дээд зэрэглэлийн зочид буудал юм. 2011 онд үйл ажиллагаагаа эхэлсэн Рамада Улаанбаатар зочид буудал нь 4 одтой, сюит зэрэглэлийн 128 өрөөтэй, 220 зочин хүлээн авах хүчин чадал бүхий ресторан, 45 хүний суудалтай бар, 20 хүний суудалтай лобби лоунж, 4 төрлийн хурлын өрөө, сүүлийн үеийн тоног төхөөрөмжөөр тоноглогдсон спа фитнес төвтэй. 2012 оны эцсийн байдлаар Рамада Улаанбаатар зочид буудлаар 100 гаруй орны 30442 зочныг давхардсан тоогоор 26636 өрөөнд байрлуулжээ.

Макс Ложинг ХХК-ийн Рамада Улаанбаатар зочид буудал нь АНУ-ын дэд ерөнхийлөгч Жон Байден, Орлогч Төрийн нарийн бичгийн дарга Виллиам Бөрнс болон Кувейт, Тайланд, Чех зэрэг орны төрийн айлчлалаар ирсэн улс төрч, бизнесменүүдийг хүлээн авч үйлчилдэг Монгол улсынхаа нэр хүндийг өргөж яваа аж ахуйн нэгжийн нэг билээ.