Мөрдөн байцаах албаны 66-н жилийг ойг тохиолдуулан “Мөрдөн байцаагч-2012” ажил мэргэжлийн аварга шалгаруулах тэмцээн зохион байгуулж тэмцээнд Улсын мөрдөн байцаах газрын хэлтсүүд, Нийслэлийн дүүргүүдийн Мөрдөн байцаах тасгуудаас нийт 21 мөрдөн байцаагч оролцож мэдлэг, мэргэжлийн ур чадвараа сорилоо.

Тэмцээн 3 хоног үргэлжилж мөрдөн байцаагч нар хэргийн газрын үзлэг, албаны бэлтгэл, хууль хэрэглэх чадвар зэрэг төрлүүдээр өрсөлдсөнөөс 1-р байранд Онц хүнд гэмт хэрэг мөрдөх хэлтсийн ахлах мөрдөн байцаагч, цагдаагийн хошууч Б.Баттулга, 2-р байранд Сүхбаатар дүүргийн цагдаагийн хэлтсийн мөрдөн байцаах тасгийн мөрдөн байцаагч, цагдаагийн дэслэгч Энх-Амгалан, 3-р байранд Эрэн сурвалжилах хулгайн гэмт хэрэг мөрдөх хэлтсийн мөрдөн байцаагч, цагдаагийн ахмад П.Энхболд, 4-р байранд Баянгол дүүргийн мөрдөн байцаах тасгийн мөрдөн байцаагч цагдаагийн ахмад Хашболор, 5-р байранд Зохион байгуулалттай гэмт хэрэг мөрдөх хэлтсийн ахлах мөрдөн байцаагч, цагдаагийн ахмад Б.Хурц нар шалгарсан байна.

Б.Доржготов