Чингэлтэй дүүргийн дөрөвдүгээр хороонд байрлах 21-р байрны урд талд нарны тусгал хааж, олон стандарт зөрчин барилга барьж байна гэж тус байрны оршин суугчид манай редакцад мэдээлсэн юм. Иймд бид нөхцөл байдлыг сурвалжлав.

"ХОТ ТӨЛӨВЛӨЛТӨӨ ОГТ ШИЙДЭХГҮЙ БАЙГАА НИЙСЛЭЛИЙН УДИРДЛАГУУДАД ГОМДОЖ БАЙНА"

Иргэн М.Цогтбилэг “Өмнө манай байрны урд талд хими цэвэрлэгээний зориулалттай нэг давхар барилга байв. 2013 онд оффис үйлчилгээний зориулалт бүхий архитектур төлөвлөгөөний А даалгавартай уг барилгын газрыг төлөвлөсөн байжээ. Тус А даалгаврыг нь судлахад ямар ч албан тэмдэг, дугаар тоот байгаагүй.

“Май хоум реал эстэйт” компани уг барилгыг барьж байна, маш олон зөрчилтэй. Гэтэл тус компани барилгаа эхлүүлэх бүх зөвшөөрлөө аваад ажлаа эхлүүлсэн. Би хот төлөвлөлтийн архитектур мэргэжилтэй. Энэ барилга долоон давхар гэж байгаа ч хоёр давхар нь л манай дөрвөн давхрын өндөртэй тэнцэж байна. Барилгын компаниуд их зальжин юм. Наадмын өдрүүдээр гэнэт дайрч, хэдхэн хоногийн дотор л барилга нь боссон.

Өмнө нь энд ногоон байгууламжтай, олон мод байсан ч тайраад барилгаа барьчихсан.

Орон сууцны норм дүрэм гэж бий. Түүнд зааснаар барилга хоорондын зай буюу барилгын хөндлөн талууд 21 метр буюу түүнээс дээш байх ёстой ч уг барилгын зай 14 метр байна. 21-р байр хуучны байр учир өдөртөө нар тусан дулаанаа авдаг. Гэтэл ганцхан нар тусдаг хэсгийг бүхэлд нь хаахаар байна. Мөн барилгын цутгалтын вибратор дуугарахаар гадна талаасаа тоосго унаж,  манай барилга цуурах, нурах эрсдэл үүсэж, 135 хүний эрх ашгийг хөндөж байна.  

Өмнө нь энэ газарт ногоон байгууламжтай, маш олон мод байсан ч тайраад барилгаа барьчихсан. Улаанбаатарт замбараагүй их барилга, хот төлөвлөлтөө огт шийдэхгүй байгаа нийслэлийн удирдлагуудад гомдож байна. Оршин суугчдын зүгээс барилгын компанид аман болон бичгээр өргөдөл өгсөн. Харин тэд “бидэнд сайн хуульч байна, та нар яаж ч чадахгүй” гэх мэт үг хэлэн сүрдүүлсэн. Байрны маань хөгшчүүл айгаад чимээгүй болчихсон. Би аав хүн, хүүхдээ эрүүл, аюулгүй орчинд амьдруулахыг хүсэж байна. Ирээдүйгээ бодох хэрэгтэй шүү дээ.

Иргэн ч бай дарга ч бай хотын стандартыг мөрддөг баймаар байна.

Оршин суугчдаас Захиргааны хэргийн анхан шатны шүүхэд гомдол хүргүүлсэн ч дорвитой шийдвэр гараагүй хүлээж байна. Шүүхийн шийдвэр гараагүй байсан учраас бид Нийслэлийн засаг даргад хандан захирамж гаргуулсан. Түр хугацаанд барилгын ажлаа зогсоосон ч хэзээ бариад эхлэхийг мэдэхгүй шүү дээ. Иргэн ч бай, дарга ч бай хотын стандартыг мөрддөг баймаар байна.

Зөрчлийн тухай хуульд 22:00 цагаас эхлэн 06:00 цаг хүртэл дуу чимээ гаргаж болохгүй гэдэг ч энэ барилга шөнөжин ажлаа хийнэ. Цагдаа дуудахаар тухайн үедээ чимээгүй болчхоод явахаар нь ажлаа үргэлжлүүлнэ. Энэ асуудалтай эцсээ хүртэл тэмцэнэ” гэлээ.  

“Май хоум реал эстэйт” компаниас энэ асуудлыг тодруулахад “Иргэдийн гомдлын дагуу Нийслэлийн засаг даргын захирамж гаран барилгын ажил түр зогссон. Арав гаруй хоногийн өмнө хотын эрх бүхий байгууллагаас шалган, ямар нэг зөрчилгүй гэж дүгнэсэн. Хотын даргын захирамжид ч дүрэм зөрчсөн гэх заалт байхгүй, иргэдийн гомдлын дагуу гэх утгатай байсан. Хотын стандартын газраас зөрчилгүй гэсэн ч энэ нь хамаагүй юм шиг байна лээ. Одоогоор шүүхээс дуудаагүй.

Эхний ээлжид холбогдох албан тушаалтнууд норм зөрчсөн, эсэхийг дахин шалгана. Барилга барьж байгаа нь муу талын дүр болжээ. Манай барилгын зөвшөөрөл бүгд хууль ёсных. А даалгаврын хувьд ямар нэг хугацаа заадаггүй. Иргэд л хугацаа нь дууссан гэж яриад байна. Манай компаниас гадна талын зогсоол, фасадыг нь засаж янзалж өгье гэхээр зарим оршин суугч чимээ гаргалаа гэж уурладаг. Ажил явуулахад их хүндрэлтэй байдаг” гэв.

Монгол улсын барилгын норм ба дүрэмд барилгажилтын бүсийн нарны тусгалыг дараах заалтыг тусгасан байна.

Хангалттай нарны энерги авахад хүний дархлааны системийг дэмжиж өгдөг. Мөн нарны туяанаас ялгардаг Д витамин нь бусад төрлийн хавдрын эрсдэлийг бууруулдаг ач холбогдолтой аж.