Японы ядуурлыг бууруулах сангийн санхүүжилтээр Эрүүл мэндийн яам, Азийн хөгжлийн банктай хамтран хэрэгжүүлж байгаа “Бага насны хүүхдийн хоол тэжээлийн архаг дутлыг бууруулах төсөл”-ийг Говь-Алтай, Архангай, Сүхбаатар, Төв, Дундговь аймаг болон Улаанбаатар хотын Сонгинохайрхан, Чингэлтэй дүүрэгт хэрэгжүүлж байна.

Төслийн хүрээнд эхчүүдэд бага насны хүүхдийг асарч сувилах дадал чадварыг төлөвшүүлэх, зөв зохистой хооллох, А, Д аминдэм, олон найрлагат бичил тэжээлийн холимогийн хэрэглээг нэмэгдүүлэх талаар сургалт зохион байгуулж эхэлжээ.

Хүүхдийг хоол тэжээлийн дутлаас урьдчилан сэргийлэх, эрт эмчлэх нь тэдний эрүүл өсөн бойжих нөхцөлийг бүрдүүлдэг аж.

Ц.Уянга /www.ipost.mn/