Швейцарийн "Dukascopy" банкнаас cap бүр зохион байгуулдаг "Forex''-ийн тавдугаар сарын тэмцээнд Монгол хүүхэд шалгарчээ.

О.Дөлгөөнтамир 18 настай, ШУТИС-ийн компьютерийн техник менежментийн сургуулийн программ хангамжийн хоёрдугаар курст сурдаг юм байна.

Дэлхийн өнцөг булан бүрээс 1000 гаруй хүн оролцсон энэ тэмцээний шагналын сан 15 мянган ам.доллар аж. Тэрээр энэ тэмцээнд есдүгээр байрт шалгарсан байна.

Оюун ухаанаараа өрсөлдөх боломжийг олгодог интернэтээр валют арилжаа хийдэг энэ тэмцээнд эхний 10 байрыг шалгаруулж шагнадаг ажээ.

Э.Манд-Эрдэнэ