Онлайн цэцэрлэг болох GoGo Kids -д маань 7 хоног бүр шинэ агуулгууд нэмэгдэн ордог уламжлалтай билээ. Энэ 7 хоногийн ээлжит шинэ агуулгуудыг танилцуулъя.

"Гуталт муур" үлгэр

Эрт урьд нэг тосгонд ядуу тээрэмчин гурван хүүгийн хамт аж төрөн суудаг байжээ. Хоёр том хүү нь залхуу хойрго мөртлөө дээрэнгүй зантай, харин отгон хүү нь сайхан сэтгэлтэй ажилсаг юмсанж. Нэгэн өдөр эцэг нь хүнд өвчнөөр өөд болуут, ах нар нь отгон дүүдээ ийн хэлжээ.

-Бид хоёр тариан тээрэм, үр цайруулагчийг авах болохоор Отгон чи муурыг ав даа.

Ингээд сайхан сэтгэлтэй отгон хүү ганц муур өвлөн аваад гэрээсээ хөөгдөж гэнэ. Отгон хүү мууртайгаа ярив.

-Ээх, энэ миний сүүлчийн талх муур минь. Одооноос эхлээд юу хийнэ дээ. Юу ч гэсэн үүнийг хоёулаа хувааж идчихээд сайн бодъё.

Гэтэл муур:

-Эзэн минь бүү гунигла. Өдийг хүртэл намайг тэжээн сайн хандаж ирсэн. Одоо би таны ачийг хариулах цаг болсон. Эзэн минь өөрийнхөө гутлыг бас нэг шуудай түр өгөөч...

Сэргэлэн муур эзэндээ хэрхэн тусалж Карабан гүнг даран хааны гүнжтэй амьдран сууж амар сайхандаа жаргах болсон талаар өгүүлэх дэлхийн сонгодог үлгэрийг үзээрэй.


 
“Бүжиндэйд лууван өгье” тоглоом

Саадтай замаар лууван авч яван манай сайтын гол баатруудын нэг болох туулайны Бүжиндэйд хүргэж өгнө. Замдаа тааралдах саадуудад хүрвэл тоглоом дуусах ба Нийт 7 үе тоглож туулайд лууван авчирч өгвөл тоглоомонд ялах юм.


 
Та GoGo Kids-ийн талаар илүү их мэдэхийг хүсвэл ЭНД дарна уу.