Японы акоя сувдаар бүтээгдэхүүн үйлдвэрлэдэг “Микото” брэндийг үндэслэгч хатагтай Ёшико Нирей 3 сарын 2-нд Монголд дахин хөл тавих гэж байна. Тэрбээр Олон улсын эмэгтэйчүүдийн баярыг тохиолдуулан шинэ загварын бүтээгдэхүүнтэйгээ хүрэлцэн ирж байгаа нь энэ.

Хатагтай Ёшико Нирей “Микото” сувдны дэлгүүртээ өнгөрсөн жилийн 10 сард өөрийн биеэр зогсож танилцуулга худалдаа хийж байсан. Япон бахархал болсон сувдны нууцаас монгол бүсгүйчүүдтэй хуваалцсан нь худалдан авагчдын зүгээс өндөр үнэлгээ авч байсан билээ.

Акоя бол Япон Улсын Худалдаа, аж үйлдвэрийн яамны чанараар шалгарсан “Япон брэнд” албан ёсны батламжит, дэлхийд алдартай сувд юм. “Микото” энэхүү чанарын баталгаат сувдыг хэрэглэдэг брэнд тул түүний чанарт хэрэглэгчид хэзээ эргэлзэж байгаагүй.

Монголд ирэх гэж буйтай холбогдуулж, хатагтай Ёшико Нирей Монгол дахь салбар дэлгүүртээ монголын үзэсгэлэнт охид, бүсгүйчүүд, эмэгтэйчүүдийг хүрэлцэн ирэхийг урьсныг дамжуулъя. Шинээр авчирсан бараагаа өөрийн биеэр танилцуулахын сацуу “Микото” сувдны бусдаас ялгарах нууцын талаар шинэ худалдан авагчидтай чин сэтгэлээсээ ярилцана гэсэн.

“Микото” сувдны дэлгүүрийг 3 сарын 3-4-нд зорьж ирснээр та хайртай эхнэр, найз бүсгүй, эмээдээ хэзээ ч мартагдахааргүй Мартын бэлэгтэй харих болно гэдэгт   хатагтай Ёшико Нирей итгэлтэй байна.

Дашрамд сонирхуулахад Акоя сувдыг өсгөдөг хясааг байгалийн унаган нөхцөлд нь үржүүлж, байгалийн сувднаас чанар, өнгө үзэмжийн хувьд огтхон ч ялгарахгүй бүтээгдэхүүн гаргаж авдгийг дэлхийн гоёл чимэглэлийн мэргэжилтнүүд болон хэрэглэгчид хэзээнээс мэддэг болжээ. Гаршуулсан сувдны төрөл зүйлүүдээс Акоя сувд нь өөрийн гэсэн өвөрмөц өнгө, солонгорон гялалзах чанараараа ялгарч, сувдны чанарын дээд хэмжүүрийг тогтоодог учир энэ бүтээгдэхүүнийг Япон улсын үндэсний брэндэд зүй ёсоор тооцдог юм.