Монгол Улсын Ерөнхийлөгчийн ивээл дор "Монгол-Язгуур урлаг" тоглолт энэ сарын 18, 19-нд зохион байгуулагдах гэж байна. Төрийн соёрхолт Д.Сосорбарамын санаачилгаар зохион байгуулагдаж буй тус тоглолтод "Алтан ураг", "Арга билэг", "Домог", "Жонон", "Хөсөгтөн" зэрэг ардын язгуур урлагийн хамтлагууд оролцохоор болоод байгаа юм.

Өөр өөрсдийн өнгө төрх,,аядан, арга барилыг илэрхийлдэг тус хамтлагуудын нэгдсэн тоглолтын бичлэгийг DVD болгон үзэгчдийн хүртээл болгох гэнэ. Мөн энэ тоглолт нь орчин цагийн язгуур урлагийн гайхамшгийг үзэгч сонсогч олондоо хүргэх зорилготой аж.

Нийт 40 гаруй уран бүтээлч, ардын таван хамтлаг хамтран тоглож буй нь Монголын урлагийн түүхэн дэх анхдагч болж байгаа нь бас нэгэн онцлог болж байна.

"Тоглолтын тасалбарын үнийг 25 мянган төгрөг" хэмээн зарлахад эхлээд үзэгчид жаахан дургүйцэж байсан. Харин одоо ардын язгуур урлагийг орчин цагтай уялдуулсан эл тоглолтод таван хамтлагийн уран бүтээл төдийгүй үндэсний өв соёлын маань нэгээхэн хэсгийг өгүүлэх хаана ч хэзээ ч давтагдахгүй тоглолт хэмээн үзэж тоглолтыг тэсэн ядан хүлээж чуулга театруудын тасалбар түгээх цэгүүд рүү утасдаж байгаа сурагтай.

Өнөө, маргааш үргэлжлэх уг тоглолтын эхний өдрийн билет зарагдаж дууссан аж. Мөн дээрх тоглолтоос бичлэг хийлгэхгүй гэнэ. Учир нь язгуур урлагийн таван хамтлагийнхан Алтайн магтаал туульсыг шинээр клипжүүлсэн гэнэ.