Үндэсний портал GoGo.mn сайтын Э-ном булан уншигч таны оюуны мэлмийд нийцэх сонирхолтой, уншууртай ном, хэвлэмэл бүтээлийг электрон хэлбэрээр унших боломжийг олгодог билээ.

Ингээд уншигч танд Э-ном буланд орсон шинэхэн номууд болох "Алтан ном" цувралаас эрхлэн гаргадаг "Дотоод ариуслын мөн чанар" , "Үйлийн үрийн мөн чанар" хэмээх хоёр номыг танилцуулж байна.

Манай үеийн домогт эмэгтэй Луйза Хэйгийн туурвисан  "Дотоод ариуслын мөн чанар" хэмээх эл номд үлэмж цаглашгүй ертөнцийн мөн чанарыг, хүн бүр дотооддоо агуулсан байх бөгөөд, тэр бурханлиг мөнх оршихуйгаа материаллаг ахуйгаар бохирдуулсны улмаас, бидний амьдрал эрээнтэй бараантай болж, зовлонгийн үүд нээгддэг тухай өгүүлэх ба энэхүү хоёрдогч дээд үнэнийг таниулсан цаглашгүй үнэ цэнэтэй энэхүү бүтээл нь таны цоо шинэ хүн болох гэрэлт замыг үгийн шид увидасаар ариусгах нь гарцаагүй.

Зохиолч Г.Мараховийн "Үйлийн үрийн мөн чанар" хэмээх бүтээлд -Зөв сайхан амьдрал гэж юу вэ? --Би хэн бэ? -Хүмүүс юугаараа ялгаатай вэ? -Үйлийн үр гэж юу вэ? –Үйлийн үрийг заавал эдлэх ёстой юу? гэх мэт нэн чухал асуултуудад та үнэн хариулт авснаар мөнх амьдрал буюу өөрийн дотоод мөн чанартайгаа учиран ханилах болно. Өөрийн жинхэнэ мөн чанараа нээсэн хүн, аз жаргал, баяр баясгалан, эрх чөлөө, амар амгаланг төгс утгаар нь эдлэх арга ухааныг энэ ном танд зааж, сурган, гараас чинь хөтлөн замчлах болой.

Дээрх хоёр номыг электрон хэлбэрээр худалдан авч уншихыг хүсвэл ЭНД дарна уу.