Цар тахлын улмаас ихэнх хүмүүс зайнаас гэрээсээ ажиллах шаардлагатай тулгарсан. Улмаар гэртээ ажлын орчноо бүрдүүлж, дасал болсон байв. Харин халдварын тохиолдол намжиж, эргэн оффисоос ажиллах үед тэд гэртээ бий болгосон тухтай орчноо үгүйлэх аж.

Яг ийм шалтгаанаар Лукас Мундт нэртэй ажилтан оффиссынхоо өөрийн суудаг хэсгийг гэртэйгээ адилаар тохижуулах санал гаргажээ. Энэ талаар тус компанийн гүйцэтгэх захирал  Майк Бекхэм “Манай багт шинээр нэгдсэн ажилтан маань оффисынхоо өөрийн суудаг хэсгийг тохижуулж болох уу гэж асуусан. Би ч уриалгахан зөвшөөрсөн. Гэхдээ ингэтэл нь өөр орчин бүрдүүлнэ гэж таамагласангүй” хэмээн ажилтныхаа хийсэн оффисын өөрчлөлтийн зургийг нийтэлжээ.

Манай ажилтнууд ямар байдлаар оффисоо тохижуулахаа бодож догдолж байгаа байх

Тухайн ажилтан энгийн цагаан өнгөтэй хана, шалыг мод мэт харагдуулах хуулгаар бүрж, ханандаа цаа бугын толгойн чихмэл өлгөж, жижигхэн ил зуух, амар амгаланг билэгдэн намуухан орших нуурын эргийг тольдох мэт харуулах цонхны наалтаар орчноо бүрдүүлжээ.

Оффисынхоо хэсгийг өөрчилж буй явцынх нь зургийг гүйцэтгэх захирал нь дарж, цахимд нийтлэн олон нийтэд хуваалцдаг байсан аж. Тэрээр нэг жиргээндээ “Лукас Мундт энэ жилийн шилдэг чимэглэгчээр шалгарсан. Бид энэ ажилтны бүтээлч санаанаас үүдэн ажлын байран дахь бүтээлч байдлыг тэмдэглэдэг уламжлалтай болсон.

Мөн ажилтнууддаа оффист өөрийнхөө суух хэсгийг хэрхэн тохижуулах хүсэлтэйг нь сонсож, тусгай төсөв баталж эхэлсэн. Манай ажилтнууд ямар байдлаар оффисоо тохижуулахаа бодож догдолж байгаа байх” хэмээжээ.  

Эх сурвалж: Today