Сүүлийн үед Хятад, Вьет­нам зэрэг оронд хуурам­чаар эм үйлдвэрлэх нь ол­ширч байгаа аж. Ингэхдээ үнэ өртөг, эрэлт хэрэгцээ ихтэй антибиотекийг үйлдвэрлэдэг юм байна.

Тухайлбал, “Poly­gynax” хэмээх нэртэй эмэг­тэйчүүдийн лааг хуурамчаар үйлдвэрлэсэн байжээ. Өнгөр­сөн оны байдлаар хуурамч эм нийслэлийн хэмжээнд илрээ­гүй аж. Харин Монгол Улсын эмийн бүртгэлд ороо­гүй бүтээг­дэхүүнийг зарим эмийн санд худалдаалж байс­ныг илрүүлжээ.

Монгол Улсын эмийн бүрт­­гэл гэдэг нь манай орны эмчилгээнд хэрэглэх эмийг лабораторийн шинжилгээнд хамруулан чанарыг баталгаа­жуу­лахыг хэлдэг аж. Тэгвэл доорх улсын үйлдвэрийн бүрт­гэлтэй эм нь эрх бүхий байгууллагаар чанарыг нь баталгаажуулаагүй болох нь тогтоогджээ.

Иймд хэрэглэгч доорх төрлийн эм худалдан авахдаа үйлдвэрлэгчийг нь нягтлах нь зүйтэй хэмээн мэргэжилт­нүүд сануулж байна.

“Татхимфармпрепараты” үйлдвэр
Пирацитам-цусан хан­гамж сайжруулдаг эм
Тетрациклин-нүдний ду­саал­га
Ацикловер-тосон түрхлэг
“Восток” үйлдвэр
Дексаметазон-харшлын эсрэг тосон түрхлэг
“Армавирская” үйлдвэр
Тауфон- нүдний дусаалга
“Органика” үйлдвэр
Аллопурино -элэг цөсний эм
“Биосинтез” үйлдвэр
Холензим-элэгний үрэвс­лийн эсрэг эм
Нистатин-мөөгөнцрийн эсрэг тосон лаа
“Lfisiophorma” үйлдвэр
Triamүirgi
“Brawn laboratorieslit” үйлдвэр
Ciprofloxacin

Эдгээрээс гадна хаана үйлдвэрлэсэн нь тодорхойгүй Neutriүit-витамин, Bidisep­tol-олон төрлийн үрэвслийн эсрэг, вирусийн гаралтай өвчний эм гадуур худалдаа­лаг­даж байгаа тул иргэдэд эмийг зөвхөн эмчийн заав­раар хэрэглэхийг зөвлөж байна.

М.Мөнхцэцэг