НИТХ-ын ээлжит IV хуралдаанаар Нийслэлийн 2025 оны төсөвт нэмэлт өөрчлөлт оруулах тухай асуудлыг Засаг даргын Эдийн засаг, хөгжил, дэд бүтцийн асуудал хариуцсан нэгдүгээр орлогч Т.Даваалай танилцуулсны дараа төлөөлөгчид асуулт асуулаа.

Б.Ану-Үжин төлөөлөгч:

"Санхүүжилт шаардлагатай төсөлд Плэйтайм аялал жуулчлалын цогцолбор газар хүртэлх автозамын  байгууламжийг тавина гэсэн байна. Үүнд 18,6 тэрбум төгрөг төсөвлөжээ. Нийтдээ 29 тэрбум төгрөгийн санхүүжилтийн хамгийн өндөр нь  Playtime руу тавих замын төсөл байна.

Нийслэл хотод өчнөөн олон төсөл байгаа. Улс засаг бүх шатандаа хэмнэе гэж байхад энэ асуудал яг шаардлагатай юу?

НЗДТГ-ын Хөрөнгө оруулалтын хэлстийн дарга Б.Гантулга:

"Плэйтаймын зам нийт төсөвт өртөг нь 18 тэрбум 600 төгрөгөөр 2025 оны төсөвт батлагдсан. Үүнийг 2025 оны төсөвт батлахдаа 9,3 төгрөгөөр санхүүжүүлэхээр тусгасан. Одоо үлдэгдэл 9,3 төгрөгөөр санхүүжүүлж тухайн төсөл арга хэмжээг дуусгахаар төлөвлөж оруулж ирсэн. Гүйцэтгэгчээр “Чамбай зам” компани сонгогдож ажлыг гүйцэтгэж байна. Ажлын явц 45 хувьтай явж байна. Далангийн ажил хийгдээд дууссан. Энэ 7 сард ажил бүрэн дуусахаар график хуваарийн дагуу явагдаж байна" гэв.