ЦЕГ-аас өчигдөр архи согтууруулах ундааны зүйл хэрэглэсэнтэй холбоотой гарсан гэмт хэргийн талаар сэрэмжлүүлэг мэдээлэл өглөө.

ЦЕГ-ын Урьдчилан сэргийлэх албаны Олон нийттэй харилцах хэлтсийн ахлах мэргэжилтэн, Цагдаагийн ахмад Б.Уранцацрал, 2025 оны 7-р сарын 18-ны 23.00 цагийн орчимд “Эмэгтэй хүнийг зодсон байна” гэх дуудлага, мэдээлэл бүртгэгдсэн.

Дуудлагын дагуу Цагдаагийн байгууллагаас шалгалтын ажиллагаа явуулахад 36 настай эрэгтэй фэйсбүүкээр танилцсан 25 настай эмэгтэйтэй согтууруулах ундаа хэрэглэсэн үедээ амийг нь хохироосныг тогтоожээ.

Уг хэргийг Баянгол дүүргийн Цагдаагийн газрын I хэлтэст үргэлжлүүлэн шалгаж байна гэж мэдээлэв.

Архи согтууруулах ундааг тохируулан хэрэглэж, болзошгүй эрсдэлээс урьдчилан сэргийлэхийг Цагдаагийн байгууллагаас анхааруулж байна.