Израилын Ерөнхий сайд Бенжамин Нетаньяху Австралийн Ерөнхий сайд Энтони Албанезыг “Израилаас урваж, Австрали дахь еврейчүүдийн бүлгийг хөсөр хаялаа” хэмээн буруутгав.

Энэ сарын эхээр Автсрали улс Палестиныг улс хэмээн хүлээн зөвшөөрөхөө зарласан. Тухайн үед Албанез “Энэ дайн гэмгүй иргэдэд ямар сөрөг үр дагавар авчирч буйг Нетаньяху үгүйсгэж байна” гэсэн юм.

Харин мягмар гарагт Израилын Ерөнхий сайд Австралийн Ерөнхий сайдыг ийнхүү шүүмжилж “Түүний сул дорой улс төрч гэдэг нь түүхэд үлдэнэ” гэжээ.

Энэ нь хоёр улсын харилцаанд сүүлийн өдрүүдэд хурцадмал байдал нэмэгдэж буйг харуулж байна.

Тухайлбал даваа гарагт Австралиас Нетаньяхугийн удирдаж буй хэт барууны эвслийн нэг гишүүнийг эх оронд нь нэвтрэхийг хориглосон.

Хариуд нь Израил Палестин дахь Австралийн төлөөлөгчдийн визийг цуцалсан аж.

Австралийн Цагаачлалын сайд “Нетаньяху бидэн рүү "довтолж" байгаа нь Их Британи, Франц, Канад улсын араас Палестиныг улс хэмээн хүлээн зөвшөөрөх шийдвэр гаргасантай холбоотой” гэжээ.

Өнөөдрийн байдлаар НҮБ-ын 193 гишүүнээс 147 нь Палестиныг хүлээн зөвшөөрөөд байна.

Сүүлд хүлээн зөвшөөрсөн Их Британи, Франц, Канадын тэргүүнүүдийг Нетаньяху “Алуурчин, хүчирхийлэгч, барьцаалагчдын талд орсон” хэмээн шүүмжилсэн юм. 

Эх сурвалж: ВВС