Бид интернетийн төлбөр төлөхдөө ихэвчлэн тухайн интернетийнхээ хурд дээр суурилсан тариф төлдөг. Хэдий чинээ хурдан байна төдий чинээ ихийг төлнө гэсэн үг. Тэгвэл та интернетийнхээ хурдыг шалгаж, мэдмээр байна уу?

Интернетийн хурд удаан байгаа нь таны хүлээн авагчийн дохионы хүч, тохируулга, домайн нэрийн системийн асуудалтай холбоотой байдаг ч ихэвчлэн интернет үйлчилгээ үзүүлэгчтэй шууд хамааралтай. Интернет үйлчилгээ үзүүлэгч танд амласан хурдаа хүргэхгүй байгаа эсэхийг мэдэх хамгийн сайн арга бол интернетийн хурд шалгагч веб сайт ашиглах юм.

1. Speedtest.net

Тус сайт нь онлайнаар яг одоо хэрэглэж буй интернетийн чинь хурдыг тодорхойлж өгөхөөс гадна. Байнга ашиглах боломжтой аппликейшн санал болгодог. 

2. Fast.com

NetFlix компанийн бүтээсэн уг сайт руу орсон даруйд таны интернетийг хэмжиж эхлэх ба ямар нэг файл татаж авах, эсвэл оруулах үеийн хурдыг ч харж болно. 

3. Speedcheck.org

Бусад сайтыгаа бодвол харьцангуй өргөн сонголт, нарийвчлалтай үзүүлэлт харуулах уг сайт дээр ашиглах боломжтой өөр үйлчилгээнүүд ч бий.

4. SpeedSmart.net

Суурийн, зөөврийн компьютер болоод ухаалаг гар утас, таблет гээд бүхий л төхөөрөмжөөс хандах боломжтой нь тус сайтын хамгийн том давуу тал.

5. TestMy.net

Бусад сайтууд интернетийн автомат болон файл татах, оруулах хурдыг зэрэг эсвэл заримыг нь шалгадаг бол уг сайт зөвхөн аль нэгийг нь сонгон шалгах боломжийг олгодог.

6. Century Link

Тус сайт speedtest.net сайттай хамтран ажилладаг ч хэрэглэгчийн интерфейс нь тайлбар, үзэмжийн хувьд харьцангуй давуу талтай юм.

7. Open Speed Test

Уг сайт нь ямар нэг интернет хөтлөгч болон удирдлагын систем харгалзахгүйгээр интернетийн чинь хурдыг тодорхойлдог.

8.Telstra 

Энэхүү сайт нь ADSL болон мобайл дата ашиглагчдад зориулсан үйлчилгээтэй ба харьцангуй энгийн бас хурдан юм.

9.Speakeasy

Тус сайтыг ашиглахын тулд JAVA болон FLASH ашиглах шаардлагагүй ба HTML5 хурдны хэрэгсэлтэй аж.

Эх сурвалж: Techviral.net