2024-2025 оны Фулбрайтын Оюутны хөтөлбөрт өргөдөл хүлээн авч эхэлсэн байна. Цахим өргөдөл хүлээн авах хугацаа энэ оны дөрөвдүгээр сарын 24-ны Улаанбаатарын цагаар 08:00 цаг хүртэл үргэлжилнэ. Дэлгэрэнгүй мэдээллийг mn.usembassy.gov/.../schola.../fulbright-student-mn/ холбоосоор авах боломжтой.

АНУ-ын Төрийн департаментын Боловсрол, соёлын товчоо, Монгол Улсын Засгийн газрын санхүүжилттэй Фулбрайтын Оюутны хөтөлбөр нь залуу мэргэжилтнүүдэд АНУ-д магистерийн зэрэг эзэмших боломжийг олгодог бүрэн тэтгэлэгт хөтөлбөр юм.  

АНУ-ын Засгийн газрын санхүүжилттэй Фулбрайтын Оюутны хөтөлбөр нь Монгол Улсад 1995 оноос, Монгол Улсын Засгийн газрын санхүүжилттэй хөтөлбөр 2011 оноос хэрэгжиж эхэлсэн ба 2022 оноос хоёр засгийн газрын санхүүжилттэйгээр нэгдсэн сонгон шалгаруулалт явагдаж эхэлсэн ба жил нийт 13-15 оюутан хамруулж байна.