Марио Кастро элсэн цөлд 14 настай Зое нохойгоо дагуулан зургаан хоног явж үхлийн ирмэгт ирсний эцэст танихгүй нэгэн хостой тааралдсанаар аврагдаж чаджээ.

Аризонагийн 54 настай оршин суугч энэ сарын эхээр Техас мужийн Эль Пасо дахь ээжтэйгээ уулзахаар замд гарсан ч удалгүй аялал нь буруугаар эргэжээ.

Кастро ээжийнхээ гэрээс ердөө цаг хагасын зайтай байхдаа ойр явж буйгаа ээждээ утсаар мэдэгджээ. Хурдны зам дээр эргэлтээ буруу тооцоолсноос үүдэж түүний ачааны машин чулуу мөргөж, шороон замд гацсан байна. Кастро тусламж хайж машинаасаа буухаар шийдсэн ч хөдөө орон нутагт хэн ч байсангүй. Замдаа буцаж орохоор шийдсэн Кастро болон түүний үслэг найз Зое хэд хоногийн турш маш халуунд хад чулуутай газраар алхан явжээ.  

Би толинд харахад арын суудалд яваа түүнийг хэдэн өдрийн турш хэлэн дээрээ огт юм тавиагүй хүн шиг идэж уухыг нь харсан.

"Бидэнд маш хэцүү байсан, бараг үхлийн ирмэг дээр ирсэн. Бид усгүй болж маш их цангаж байсан ч аз болоход ундны усны худаг олж, ус аваад цааш явсан" гэжээ. Яг бууж өгөх гэж байтал бүх зүйл зөв зам руугаа эргэсэн гэнэ.

“Итгэл алдарч эхлэхэд миний сүүлчийн өдөр юм шиг санагдсан. Нохойны минь хүч барагдаж, нүд нь сүүмийж эхлэв. Түүний ч бас сүүлчийн өдөр юм шиг санагдлаа. Бид сульдан, алхахаа больж модны доор сууж байхдаа би гал асаан SOS дохио гаргасан" гэжээ. Түүнийг сүүлийн S үсгийн талыг хийж байхад цагаан өнгийн машин тэднийг зүглэн иржээ.

Эхнэртэйгээ Нью-Мексикогийн бартаат замыг шалгаж байсан механикч Фрэнк Мартинез Кастро ямар нэг зүйл буруу байгааг  тэр даруй анзаарсан байна.

Мартинез эхнэрийнхээ хамт маргааш нь буцаж ирээд орхисон машиныг нь авчирч, тэр ч байтугай түүнийг тэнхрэхэд нь тусалжээ.

"Хуучин гутал, хувцастай эр хөлөө чирэн явж байгааг хараад түүний зүг явсан” гэжээ. Мартинез “Тэднийг амраахын тулд нохойтой нь хамт зочид буудалд хүргэж өгөхийг санал болгон хөдөлсөн. Би толинд харахад арын суудалд суугаа түүнийг хэдэн өдрийн турш хэлэн дээрээ огт юм тавиагүй хүн шиг идэж уухыг нь харсан. Тиймээс би түүнд тохиолдсон зүйл ноцтой гэдгийг мэдсэн" гэжээ.

Кастрог зочид буудалд буулгасны дараа Мартинез эхнэрийнхээ хамт маргааш нь буцаж ирээд орхисон машиныг нь авчирч, тэр ч байтугай түүнийг тэнхрэхэд нь тусалжээ.

"Хэрэв тэр хүн байгаагүй бол бид хоёулаа үхэх байсан" хэмээн Кастро Мартинезийн гэр бүлд талархжээ.

Эх сурвалж: Today