Энэхүү зураг нь ямар нэг уран зөгнөлт киноны араатан, зохиомол баатрын дүр биш. Харин олон улсын гэрэл зургийн уралдааны шагналт, шоргоолжийг ойроос авсан бүтээл юм.

Nikon-оос зохиодог Бичил ертөнцийн микрографи гэрэл зургийн уралдааны шилдэг 57 зургийн нэг уг хөргийг Литвийн гэрэл зурагчин Евгений Кавалиаускас авчээ.

Өмнө нь шувууны зураг авдаг байсан Кавалиаускас шоргоолжны хөргийг авахдаа гэрлийн ойлтыг ашигласан бөгөөд улаан нүд шиг цэг, гэрлийн сүүдэр зэргээс шалтгаалан ууртай төрхтэй гарчээ.

Зурагт харагдах улаан хэсэг нь шоргоолжны антен (Antenna) буюу мэдрэгчийн уг юм. Тэд үүгээрээ агаарын хэм, чичиргээ зэргийг мэдрэх бөгөөд нэгэндээ дохио дамжуулах, хүлээн авахад ашигладаг.

Микроскопоор дамжуулан гэрэл зургийн гайхалтай бүтээлийг толилуулдаг уралдаан 48 дахь жилдээ болоход 72 орны 1300 гаруй уран бүтээлч оролцсон байна.

"2022 Photomicrography Competition" тэмцээнд Шведийн гэрэл зурагчин Григорий Тимин, Мишел Милинкович нар Мадагаскарын аварга геккогийн үр хөврөлийн зургаар түрүүлсэн байна. Тэд үр хөврөлийн гарын яс, судсыг харуулахын тулд зургийг 63 дахин томруулжээ.

Тэмцээний бүх зургийг энд дарж харах боломжтой. Эх сурвалж: CNN