Жүжигчин Жонни Депп Ням гарагийн орой MTV Хөгжмийн шагнал гардуулах ёслолын үйл ажиллагааны үеэр сарны хүний дүрээр үзэгджээ. Энэ нь түүний хуучин эхнэр Амбер Хердийн эсрэг шүүх хуралд ялсныхаа дараа анх удаа олны өмнө гарч буй тохиолдол юм.

Тайзны дээгүүр “жингүүдэх” сансрын нисгэгчийн дуулганы шилний цаана Деппийн царай тодрон харагдах үед түүний холограмм дүрс болох нь үзэгчдэд тодорхой болов. Тэрбээр “Юу гээч, би ажил хийх хэрэгтэй байна. Энэ ташрамд хэлэхэд би таны төрсөн өдөр, хуримын ёслолд гээд ямар ч арга арга хэмжээ, үдэшлэгт оролцох боломжтой шүү. Өө бас нэг зүйл, би мөн шүдний эмч болсон” хэмээн хошигножээ.

Эх сурвалж: NY post