Дэлхийн түүхэнд энэ өдөр төрсөн алдартнуудыг танилцуулж байна.

1821 ОН. ЛУИ ВИТТОН. ФРАНЦЫН АНЧАЙ ХОТ.

Алдарт “Louis Vuitton” брэндийг үндэслэгч тэрээр 1854 онд загварын хувцас, тансаг зэрэглэлийн гоёл чимэглэл үйлдвэрлэдэг компаниа байгуулсан нь өдгөө дэлхийн томоохон брэнд болжээ. Виттоны бүтээсэн загварлаг хувцсыг тухайн үеийн язгууртнууд тэр дундаа 3-р Наполеоны эхнэр, Хатан хаан Евгений де Монтижо нар өмсдөг байв.

1900 ОН. ХАТАН ХААН ЭЛИЗАБЕТ. АНГЛИЙН ХАРТФОРДШИРИЙН ХИТЧИН ХОТ.

Британийн язгууртны гэр бүлд төрсөн Элизабет 1923 онд хунтайж Жоржтой гэрлэсэн бөгөөд улмаар 1936 онд 3-р Эдвардыг огцруулан хаан ширээнд суужээ. Дэлхийн хоёрдугаар дайны үед Нацистын Адольф Гитлер түүнийг “Европын хамгийн аюултай эмэгтэй” гэж нэрлэж байсан удаа бий. 2002 онд болсон түүний оршуулгад 1 сая гаруй хүн ирсэн гэдэг.

1901 ОН. ЛУИ АРМСТРОНГ. АНУ-ЫН ЛУИЗИАНА МУЖИЙН НЬЮ ОРЛЕАН ХОТ.

Дэлхийн хамгийн алдартай жазз хөгжимчин, хөгжмийн зохиолч, дуучин Луи Армстронг Нью Орлеанд өсөж торнин Чикаго хот руу нүүсэн ба тэндээ алдар нэртэй болжээ. Түүний “Mack the Knife”, "Hello Dolly" зэрэг дуу тухайн үедээ ихээхэн алдартай байсан юм. Харин өдгөө түүний “What a wonderful world” дууг мэдэхгүй хүн цөөхөн биз.

1961 ОН. БАРАК ОБАМА. АНУ-ЫН ХАВАЙ МУЖИЙН ХОНОЛУЛУ ХОТ.

АНУ-ын 44 дэх мөн анхны өнгөт арьст ерөнхийлөгч Барак Обама 2009-2017 оныг хүртэл ерөнхийлөгчийн албыг хашсан. Түүний эхнэр Мишель ч мөн анхны өнгөт арьст Тэргүүн хатагтай болсон юм. Тэд Малиа, Саша гэх хоёр охинтой.

1981 ОН. МЕГАН МАРКЛ. АНУ-ЫН КАЛИФОРНИ МУЖИЙН ЛОС АНЖЕЛЕС ХОТ.

Жүжигчин байсан Меган 2017 онд хунтайж Харритай сүй тавьсан бөгөөд 2018 онд гэрлэсэн юм. Тэрээр одоо Сассексын язгууртан авхай болсон ба түүний хэргэм зэргийг Хатан хаан 2-р Элизабет олгосон билээ.

Эх сурвалж: onthisday.com